3月24日(星期四)~聽日開始復活節假期..老闆依日off
連放5日假..超開心! 上星期六同佢去"泰飯堂"食晚餐
原本佢想點"咖哩蟶子皇"~我話$118..自己買料都整到
不如等我整比佢食啦! 下午順便去"德華行"買紅酒
佢有送貨服務~不過我去買酒..想順便探下隻唐狗(囝囝)
佢好乖好痴人又嗲~叫佢會走埋黎..痴住大脾比你摸
出發吉隆坡前..買白酒又睇下佢~近年見佢無晒心機
自從大老闆走左..開始鬱鬱不歡~之後體內又生腫瘤
已經捱左年幾..見佢痛到唔郁又唔食野(知道生命應該差不多盡頭lu)
所以同佢講幾句~希望佢可以舒舒服服..開心點行到盡頭
佢知我同佢講野~痛到郁唔到都眼仔碌碌望住我眨眼
不過依日去囝囝走左lu~店員話..囝囝嘔血又係咁喊(唔捨得走)
聽到都覺得好痛苦..個心好酸好唔捨得~但總算一個解脫囉
* * * * * * * * * *
是日晚餐.."咖哩蟶子皇(伴蒜茸包)"
![]()
![]()
老闆唔like"蒜茸包"口感太硬~所以買軟身法包整
用軟包整蒜茸包~焗後變得鬆脆又唔會好硬
![]()
好懷念大馬既"甘香啦啦"~所以整個"甘香炒蜆"
![]()
用蝦米,蒜茸,辣椒,薑,咖哩葉+sambal醬及調味炒
味道醬汁都香..但仲係欠少少咩味呢? 下次要再試過
![]()
"石蟹"出沒~老闆話整"鹽焗石蟹"
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
