3月26日(星期六)~前一晚係Line谷傾計
Baby笠問我地依晚係唔係荃灣~我地話會行山
荃灣 > 大埔~邪呀! 原來佢地想由大埔 > 荃灣
反正大家假期諗住行山~擇日不如撞日一齊行啦
佢可能想去金坊泰飯堂食飯~行山線費事特登入大埔
諗住方便佢地..沙田坳上山>獅子山郊野公園>城門水塘
之後係金坊食飯..是日遊玩完畢! (計劃上唔錯~但......係......!)
* * * * * * * * * *
復活節假期..第2日~大家瞓醒瞓夠..攪掂先約時間
前一晚小火鍋食剩左d火鍋料~朝早係屋企
煮埋早餐比老闆食@龍躉腩鮮蠔湯烏冬
![]()
龍躉腩&鮮蠔..煎香再用蒜片爆炒~用蠔油及調味炒好
灼烏冬&蔬菜..再放入餸料, 熱滾水及配料~攪掂!
![]()
我就食芝士合桃提子包+咖啡做早餐
食飽..攪掂! 約定佢地11:30am係黃大仙等..出發!
![]()
會合後..由黃大仙坐小巴上法藏寺開始行
依段路好早年同老闆行過~佢地第一次行
弊! 上沙田坳斜路..baby笠已經抖左幾次
遺忘"獅子山郊野公園"多石級~上山路都幾吃力
baby笠邊行邊問仲有幾遠/耐~頭段路應該好辛苦
揀錯路同佢地行添(真係好驚佢頂唔順暈低! sorry~sorry)
![]()
baby笠不停話..唔好意思要我地等! 又話拖慢腳步
其實我地依家都慣慢慢行~所以無問題ma
依日聽佢講得最多就係"唔好意思"&"小心"
由其好多時平排一齊行傾計~我行得近山坡邊
佢會好驚話"小心..行返埋d"~講左好多好多次(哈)
終於有次同佢講..哎呀! 仲有好多位先跌落山坡
小奧即刻話~佢係咁架! 仲有好多位都要驚一餐(哈哈)
![]()
中途老闆話去探路..越探越遠~baby笠話唔好等佢叫我追老闆
攪到有段路..突然覺得好孤單一個人行山~明明4個人行山ma
所以見到老闆都即刻話佢~唔准再自己行先..要一齊行有照應
![]()
上到高點..有幾個位都好靚~可以休息影下相
![]()
原本打算行麥徑5-6段.."城門水塘"為終點
但見baby笠咁辛苦~問問小奧都認為唔好行去"城門水塘"
加上已經晏~所以決定係"鷹巢山自然教育徑"為終點
坐巴士去深水埗~轉地鐵去荃灣食飯
![]()
去到荃灣..老闆買炸魚皮~我同佢地直接上金坊先
依晚老闆手機突然死左~日頭仲用到喎! 聽小奧講有出新聞
同埋..佢有朋友都係突然死機~咁岩老闆有同事又係咁
無手機用..老闆食龍肉都無味~成晚話d食物差左(哈哈)
原本諗住借比佢用幾日~整完即刻trade機既
但都唔係最好辦法~底版有問題..都驚遲早到我
所以諗住聽日一齊換機囉
![]()
最後一輯用G4影既相~攪咩? 過電腦果陣無左好多張
依晚食左好多野..有酸辣鳳爪,炒椰菜苗,燒魚,芝士蝦丸
青木瓜沙律,香茅炸魚,芒果糯米飯等等..唔少得啤酒
![]()
飯聚食左4個半鐘~平時早約baby笠..通常約唔成
即興反而仲易約~食完飯送埋佢地坐車..我地返屋企lu
![]()
依日真係唔好意思..辛苦左baby笠行依條山徑
之後同老闆傾開~佢都話唔記得原來咁多斜+石級
下次要先行一次..條路好行~再約佢地一齊行呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
