荃灣。小蟻人 甜品西餐(Mr. Ant)

4月16日(星期六)~落左成個星期雨..依日叫好天少少

原本老闆想行山~不過天氣仲係唔穩定..驚再有雨落

決定取消行山~等中午出去食lunch@小蟻人甜品西餐

餐廳開左無耐~裝修格調幾靚..近窗位置係卡檯座

以淺色牆身為主~窗外引入自然光..簡約又光猛




Lunch Set有8款..跟上餐飲(5款汽水及3款果茶選擇)

+$20可轉特飲/特式咖啡 or +$30可配甜品(4款選擇)

老闆要"傳統白汁忌廉雞皇 配白飯"($58)





醬汁質感好滑..味道唔算漏~蔬菜份量好多+新鮮..雞肉嫩滑





伴灼蔬菜..無油感好健康~蔬菜熟度剛好..口感爽脆





白飯份量好多~飯非常夠熱度..食到尾仲見有微煙出的





我揀"卡邦尼銅模意大利粉"($56)





份量好多..醬汁及餸料非常豐富~芝士粉同樣好足料

鹹豬手粒帶淡淡鹹香感..唔會過鹹~仲有唔少菇





碟邊仲有美美點綴~將乾蔥混合意粉同吃..味道更香





白汁始終比較易漏~廚師仲細心係碟邊..再伴上黑醋

邊食意粉又可以點少少黑醋同吃~感覺非常美好









餐飲..老闆要"檸檬茶"~我要"無花果布冧果茶"

整體食物有水準+非常夠熱~味道平均..少油感覺較健康

環境好舒適~服務都好唔錯~Set Lunch價錢好抵食

遲d會去試甜品~賣相/款式好多選擇又靚(無加一..總消費:$114)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================