10 $258 任食火鍋套餐！抵食 新鮮！

今個生日我約左一位好友一齊慶祝生日！佢同我同月生日大家都係雙魚座～ 所以QT決定帶佢食好西！由於我地兩大女生都食力過人 ～ 更冷又想打下邊爐又想抵食 好食 特別！所以我地黎到「新南苑私房菜」！傳聞話佢地有個$258 位任食3小時火鍋套餐～ 一黎到伙記就同我地介紹個$258套餐！ （任選火鍋底一個+人頭計嘅海鮮拼盤+人頭計嘅刺生拼盤+火鍋料拼盤*可再不停任點 + 手切鮮牛頸脊一碟+ 飲品*任拎+頭盤一碟3式+甜品）因為想特別所以叫左粥底～ 個頭盤一到已經覺好好味！點知再上埋知刺生甘新鮮我已經俾個手指good! 到海鮮拼盤一到我同朋友開心到要嘩3聲！ 因為有海蝦+聖旨皇+飽魚仔+大花螺+大帶子+蠔+脆肉魚+大花甲！仲要超新鮮！件件入口爽甜！個牛頸脊都超大碟超好味！ 牛味十足！入口有口感而未去到硬口！火鍋料中有個係QT追加多次：芝心獅子狗！一路烚海鮮嘅鮮甜落晒落粥底度～ 到最後啖粥真係鮮甜入心！雖然有收醬料$ 但都覺超抵又新鮮食得開心！

地方好清爽乾淨 服務用心！

眼見仲有房間嘅位選擇～ 但問過要預早兩星期book <

============================================

感謝 qtqueenie 提供以上資料

qtqueenie 的網誌: http://www.openrice.com/zh/gourmet/reviews.htm?userid=50202632&city=hongkong

============================================