Day 1: 深圳 > 馬子祿牛肉麵午餐 > 蘭州半日遊 > 火車 > 張掖 > 張掖天域國際酒店 > 老周炒拔拉餐廳宵夜 > 酒店
昨晚我們在深圳機場酒店住了一晚，因為今日飛蘭州航班比較早
咁早已經有大批旅客在機場
今次我們搭海南航空去蘭州，而且還見到香港某明星同機，不過他係坐頭等既，先辦理登機手續先
很開心這班機無延誤，很準時就登機
今次係我同老婆第一次以背包的行裝去旅行，因為回內地唔適合用大行李箱，內地的士後尾箱係較少空間，加上我們成十三個團友，所以都係輕便的好
很快地飛機已衝上雲宵
先同老婆來個自拍先
之後老婆好快地解除行裝
這盒就係飛機餐喇
飛機餐有辣榨菜、蛋糕、餐包、沙律、蕃茄仔等等，我想知包榨菜係咪配餐包黎食架？
坐飛機通常唔係訓覺就係睇片，我睇曼聯對維拉場波，老婆就睇韓劇
轉眼間望出窗外，見到遍地都山或黃士，不過能見度很好
地面非常多田地
然後見到很長的河流
感覺下面係荒涼之地
大概三個小時機程就降落蘭州機場
大家估下他係邊個？
再近鏡些看看heehee
拿完行李就在機場買去通往市區的旅遊巴，每位$30蚊
我在車上拍攝的，因為玻璃的顏色偏黃
大概一小時車程就會到達市區
原來蘭州市都有很多高樓大廈架，沒想象中落後
旅遊巴總站在市區，我們落車後本來想搭的士到火車站的，但發覺係很難的事，蘭州的士通常以釣泥鯭方
式為主，意思就係一架車同時間載不同的客人去順方向的路程，有些會先問你去邊？知道唔順路或太近就唔去，他們像唔憂做咁！好彩我們亦經驗豐富，原來落車地
方附近就有公車，我們搭一路車到火車站，其實只有大概兩個站就到，一條大直路，搭公車才$1蚊位，真係慳錢又唔需要受氣啊！因為蘭州的士司機都幾無禮貌下......
蘭州街上有很多賣菠蘿的小檔口，不過都幾不衛生，因為很多塵！
唔洗十分鐘就到達火車站，不過時間還早，我們先去醫肚先
醫肚前，我們要寄存行李先，免得拉黎拉去，又怕會唔見
行李寄存收費表
來得蘭州，相信很多人一定會試有名的蘭州牛肉麵，我就期待了好耐時候了，據我所知火車站附近就有間極出名的正宗牛肉麵館
其中這間馬子祿就係最有名的，不過今次就無機會去總店品嘗
蘭州人很喜歡食麵，一日三餐都係麵麵麵，唔怪得店裡都幾旺
牆上有很多明星同老闆合照的相片
廚房情況，拉麵係即點即拉的
我們點了醬牛肉、荳芽、酸菜、牛肉麵等等，13人份量埋單$146蚊
醬牛肉:完全無特別，味道偏淡，我猜醬牛肉其實係唔同南方的，只是清湯煮的
荳芽:不過不失
酸菜:味道唔會太酸，但很開胃，唔錯
怎樣才算得上正宗蘭州牛肉麵？就係要做到一清、二白、三紅、四綠、五黄，一清係指湯頭要清，二白指蘿蔔、三紅指辣椒油、四綠指蔥花、五黃指麵條的顏色，但我試後才發覺，原來我一直追求的蘭州牛肉麵係咁一般的，首先拉麵真的係經人手用力去搓麵粉，然後收到落單就即時拉出麵條，但點解麵條一點彈性都無呢？加上辣椒油的味道完全破壞牛肉湯頭的味道，我覺得這是敗筆！
老婆就點了清湯不辣的牛肉麵，其實清湯會更好味，你會飲出淡淡的牛肉味，其實這湯頭的味道雖然係偏淡，但很好飲的，不過麵條就真的很一般
隔離這檯兩個小孩都食咁大碟麵，真係厲害啊
好彩這店還買到我的最愛heehee
這店還提供免費的飲料，這飲料有著非常濃的西芹味，唔錯
食飽後，我們去了火車站附近行下，順便買些生果在火車上食
我們買了些人參果、萍果、菠蘿等等
這樽橙粒粒咁既顏色，一點都唔似橙汁囉！
這些葵花瓜子係叫老闆娘送架hahahaaaaa
終於等到夠鐘上車喇，其實我們團友在今次旅程付出了很多的第一次，例如這種火車亦係第一次搭！
車站裡面大堂天花很有特色
我們搭T295火車到張掖，T代表快車，而蘭州到張掖要成六個小時車程的
我們搭這些火車，真係發生很多不愉快的事，不過就當係經驗，亦可能我們生活在太有規律的城市啦！
火車原途都係這些黃泥山
火車上買的水果酸奶，但其實似椰子奶囉，唔覺得有酸味！
人參果:我從未食過咁難食的生果架，味道古古怪怪，有點草青味，只開了這個試試，還買了幾粒咁多！
不過萍果同菠蘿就超好味，萍果又爽又清甜，菠蘿簡直甜得過份，汁多，而且係無渣架，好好好好好好好味呢
食完生果又睇下外面風景
我們的坐位係咪好迫呢？十三人的行李加背包都要有技巧才放得晒，連前後的坐位底空間都用埋，中間這大行李係師兄架......
珠姐帶來的迷你麻雀
見到老婆這個神情及裝扮就知有問題，其實火車六個小時裡面，不停有很多人在車卡與車卡中間食煙，煙味籠罩著整個車廂！我都唔明白點解唔完全禁煙？又或者把禁煙區同吸煙區分開，加上車廂冷氣很弱，搞到我們都不停咁咳，唉......
好彩都捱完坐火車的時間，但我們往後還有兩程火車要坐，想起都有點怕啊，火車到步後已經係晚上十點幾，我在火車上亦已跟明天包車張師傅聯系過，張師傅主動提出晚上會來接我們到酒店，我們意想不到會咁好的，而張師傅很準時在火車站接我們(張師父聯系電話13195969226)，然後回酒店辦理手續，之後帶我們去附近甘州一條街食宵夜，但因為太夜，很多店都已關，所以選擇得返兩間！
點解我們揀這間老周炒拔拉餐廳？就係貪他們有小炒，但點知中晒伏，而對間那間係食砂鍋米線的
我們坐低後，就叫張師傅早點回去休息，因為明天還要早出發
睇到有幾種小炒選擇，老闆提意每人一碟什錦，就係什麼材料都有些，咁聽落都唔錯啊
還有魷魚同肉類喎
我們點了十碟小炒同對面三碗砂鍋埋單$96蚊
冰峰橙汁:這牌子在西部一帶係好出名的，其實這味道似細個時飲綠寶橙汁相同
小什錦看似很夠鑊氣喎，但點解咁多肝內臟架？唉......被騙了
這三碗砂鍋賣相好唔掂
而且米線好假，放入口嚼似橡筋一樣，彈性超符想象，總之就好假啦！
食飽後，我們在後門出去，點知見到隔離有間賣羊湯的小店，看似很吸引咁，可惜已飽了！
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 637565
全部攻略 1006
全部回應 275
