由 Dusty 於 2013-09-11 00:00:00 發表 | 累積瀏覽 495
今早我七點鐘就起身了，之後去了酒店後面的街市買海鮮，點知太早還未開檔，很失望啊
我們八點鐘就到達Uncle Chang辦公室搞手續，這時都見到Uncle Chang在裡面
這幅係仙本那島嶼的地圖，我們目的地在馬布島
我們上船的地方，Uncle Chang辦公室在右手邊，前面係龍門客棧(傳說中很多老鼠的)
前面就係我們坐的大快艇
龍門客棧附近的海面勁多垃圾，當地政府點解不重視這問題呢？
由仙本那碼頭去馬布島大概需要45分鐘船程
船上指定動作，就係自拍喇heehee
坐坐下船，突然在海面上見到些野，佈滿了很大很大的面積
到底是什麼呢？
再望近些就清楚見到很多膠樽，初時我還以為係人工繁殖瀨尿蝦，但原來係海燕窩，即海草的一種，質量同燕窩一樣的，但價錢就差很遠喇
不經不覺就到達馬布島喇，但天上飄來了烏雲，希望快點飄走啦！
今次我們入住Uncle Chang民宿，早幾年都來過一次，當時島上的職員非常熱情，但今日見到Uncle Chang這裡已經換然一身，完全變得有點陌生
我們先到餐廳集合，因為房間未咁快準備好
見到Uncle Chang，當然要合照啦
然後食個簡單的早餐，每日都差唔多
這個係剛才Uncle Chang買上島的，原來分俾職員同客人食的，不過飯粒超級乾身，我不喜歡這口感同味道
我們食早餐途中，見到有些小艇駛過來，原來係賣海鮮俾客人的，其實每天都有不同的小艇過來，但記得講價
海蟹在這裡最常見的，而且又生猛又大隻，通常係一串串賣的，價錢統一rm20蚊串，無錯係rm20蚊串，真的很平啊
琵琶蝦rm5蚊隻，每隻都很生猛，大細都一樣價錢，真係草蝦價錢，龍蝦的質素，但有一點我覺得不爽，魚民應該捉公不捉母嘛，特別懷了卵那些更加要放生啦
魔鬼魚廚房龍哥不多原意加工的
魚民用超低價賣晒d海鮮俾我們，個價都幾吸引，大花魷都已唔平啦
最後用了rm171蚊買了以上的海鮮，其實還可以再講價，但我覺得他們都要用勞力去捉的，每日都曬著陽光工作，所以都不能太刻薄他們，俾完錢就交俾大廚龍哥
這個就係民宿廚房的話事人龍哥，如果大家醒目的話，一上島就同他打好關系，你往後的伙食就會好些，點樣打好關系？大家係中國人明白啦hahahaaaa，不打好關系，你想加工海鮮都會給說話你聽，又說忙又說做不了之類說話，加工海鮮或食物係每碟計，每碟收rm15蚊，所以很多時煮費會貴過買費，但無法啦，獨市生意嘛
島上有幾種房間型號，估不到我竟然住過三種，唔係因為我面子大，係因為我房間出現問題！往後會慢慢講出來
我們入住最貴的獨立屋，rm$160一個人晚包三餐
對出的水質好清啊，遍地都係海星，而海龜經常都會在我們面前出現
因為其他人都未有整理好房間，所以把行李放晒入我房間，但點解這房間要係我既呢？唔怪得只有這屋係無人住啦......
雙人床
洗手間很大，但幾間房的花灑都無水出或水很弱的啦......
換好衣服落去玩下先
當然要等埋老婆先啦
在
我想落水的時候，今早個船家又駛過來，之前這隻龍蝦開價rm150蚊，心想當我係水魚咩？我一口拒絕了，然後講價不成，現在就問我想幾錢成交？我話
rm70行嗎？經過幾輪口水戰，最後rm90蚊成交了，雖然比我心理價貴了rm20蚊，但這價錢在出面點都買不到，後面有個上海遊客講我知，昨天她們
rm70買了一隻比我更大的，但我覺得這價錢都很合理了，始終魚民都要養家的嘛！
這樣會更清楚龍蝦的大細
日本豉油、芥辣、工具都係我帶來架，因我一早做定功課嘛
團友們興奮地拿隻龍蝦黎影相，你們唔好玩死它才好啊！
終於到我出手了，劏龍蝦的過程簡單而殘忍，所以不便公開
話咁快就一分為二
蝦頭的糕好鮮豔，代表蝦的新鮮度
經過我巧手的處理，蝦肉色澤很漂亮很吸引呢
d糕很多啊，味道係點？哈哈哈，係祕密
好老實蝦肉超級鮮甜，而且肉質係自然的彈性，其實如果用冰凍一凍會更加好，但我從未試過這樣原始的食法，很想品嘗一次，因為冰鎮的久不久都食到，對著咁靚既海，同班老朋友老街坊一齊品嘗美食，這才叫做人生不枉此行嘛
還有很多肉黐在殼上，當然不能浪費啦
我係咪處理得好靚呢？原隻還原架，其實我第一次處理活的龍蝦，處理過程都有點緊張架！
之後當然落水玩啦，現在剛剛好係退潮，水位很低很低
起碼幾百米內都咁淺水，而且還有很多寶物藏身在水裡，睇你運氣好唔好
而我運氣就非常好喇hahaaaa
海膽非常多，大家要小心
海星又係很多，但影完記得放回原位
還有細細隻的
珊瑚
老婆話空蕩蕩貝殼有咩好影啊？我話你俾些耐性等下啦
其實係寄居蟹來的
我又找到寶藏喇，今次還是個大寶藏
看到圖中上面啡色的物體嗎？
有條黃色的竹簽魚，非常漂亮
我們玩完就回房洗澡，然後去食午餐喇，已好肚餓了，現在退潮更加厲害啊
以上係午餐，我一樣都無食到！
每餐都有的配料，東南亞的口味
草蝦出場喇，講錯了係琵琶蝦才對，龍哥煮海鮮技術一流，睇得又食得，好野啊
邊個話琵琶蝦無肉食架？我就話啖啖肉就真，我唔客氣喇
炸魔鬼魚仔，這個大細係最嫩滑的，魚味又濃，正啊
這些魚拿來炸？浪費了吧？唔係講好係蒸的嗎？
炸班仔，好豪啊
每人見到大大隻的海蟹都已磨定刀叉，但很多都係蟹母，我較喜歡蟹公，肉質鮮甜很多的
唔講蟹肉的話，還以為食緊雪糕添heehee，蟹肉可一匙匙起出來，肉蟹甜到唔識形容，但感覺到同海水溶為一體啊
老婆只負責食的，我就負責整開晒d蟹殼......
醬煮大花魷，賣相還怕會好硬好粗糙，但事實係幾腍，唔錯，膽固醇萬歲
海鮮配可樂，一絕
食飽後，就先回房交行李俾各團友，點知又有船家駛過來
嘩！東星班啊，我同船家講只想要那幾條東星班，船家話賣晒俾我們可以嗎？但我話太多了，要不下......船家話全部rm30蚊賣晒俾我，我有無聽錯啊？rm30一條啊？船家話係全部，我即刻俾錢，價都不還喇
每條都很新鮮，看看魚眼就知啦，在香港買條淡水養魚都貴過這些啦，仙本那我太愛妳了，這些就是我們的晚餐
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 624438
全部攻略 1006
全部回應 275
