2013年大伙兒10日9夜非一般沙巴動感歎美食之旅-day1

今日我同老婆六點半就出門口，咁早搭機場巴士都預了無位坐，除非總站上車啦！

大概八點幾就到達機場，然後去T2，亞航柜檯就在P區位置，今次頭五日的行程總共有17個團友，後五日就加多五個人，我都係頭一次有咁多人一齊去旅行，感覺很奇妙！不過好彩很多都係好朋友

咁早就人山人海，睇黎這班機都幾多人遊客

朋友帶了十杯雪糕俾我們，真係多謝晒

今次閘口在509，所以要搭巴士

 

轉眼間就要上機喇，今日班機早了十分鐘起飛

飛機上到半空，亦到我品嘗雪糕既時間喇heehee

點解每次我都坐呢邊坐位架！見到這個小島即代表很快就降落

在KK機場見到軍用機都係第一次，當然我們還未知未來幾日原來有事發生啦，所以還很開心地拍照

這次非一般沙巴動感歎美食之旅正式開始，完美假期的旅遊巴同導遊已在機場等待我們，今次帶著鴨仔團係Tony導遊

首站我們先去澔運茶餐室，這茶室主要食烏鯉的(鸚鵡魚)，因新年期間貨量很不穩定，我怕白走一趟，所以早幾星期前已打來叫老闆留定貨，所以來幫襯就最好打黎問問及下午2點收檔

價錢表

以上照片係上年頭影的

我們主要點了紅燒烏鯉、烏鯉什湯、涼拌魚片、湯麵X17，埋單$rm394蚊.

薏米水:清熱袪濕最適合我，正啊

湯米:沒什麼特別

涼拌魚片:魚皮非常爽脆，加上多種香料配合，很有東南亞特色，酸酸地很開胃

紅燒烏鯉:這個係四至五人份量

其實每次食深海大魚，最好的位置就係這些厚厚的骨膠原，誰不想靚呢？heehee

這個位置亦係我的最愛，帶骨位置的肉質係最有彈性的，特別係野生深海大魚

烏鯉什湯:這個湯係很鮮的，點解？因為係用靚魚去熬製囉

又係骨膠原

每塊魚肉都咁正，真係親身試過才會知道

單據

大家是否以為我們已食飽呢？咁就錯了

其實澔運係很近富源總店的，市區的分店全是特許經營的，所以質素有分別的

拉茶:越多泡就代表拉得夠好，總店的拉茶才是最好的，之前分店飲的都有陣草青味，所以都是總店靠得住

kaya麵包:我感覺他們的麵包差了，沒以前的軟熟！但kaya醬保持到質素

kaya焊底麵包:現在我較喜歡食焊底的，因為塊麵包脆到像餅乾一樣，食多幾塊都不會很滯

這個係班蘭葉的，味道較清新

連烏蠅都抗拒唔到，厲害吧

單據

之後我們出發去wisma商場，因為裡面間找換店的匯率係較好的



找換店對著萬寧的

今日個對換價係2.52

我們亦買了電話卡，現在我會選用HOT LINK，比DIGI好收得多，特別係出島或郊區，價錢亦平些

他們在商場裡面超市買零食，我就去了街市買海鮮，今晚晚餐材料主要都在這裡選購

因為已太晚了，所以沒什麼貴價魚類，好彩還有青衣，所以買了兩條，埋單rm36蚊

肉 蟹:這些蟹係咪好新鮮呢？但原來靚貨全都收藏在箱裡，點解我會知？因為有沙巴朋友帶著我囉，他話沒被太陽曬著的蟹才好味，我就話點會有沒被曬著的蟹啊？之 後他同檔主講完一輪野後，真的主動在後面箱裡拿出d蟹，還不用親自揀的，他話包是好貨喎heehee，買了17隻大蟹，埋單rm$80蚊.

虎蝦:近來貨源比較少，這個時間還能買到虎蝦真係很好彩，這些雖然係冰鮮貨，但勝在可以慢慢揀，友人講價到rm60蚊1KG，真的很平啊，我們買了2KG多些，埋單$126蚊.

買齊晒d海鮮後，我們就去鑽石酒家食晚餐，這店歡迎人客自帶海鮮來加工的，但我們這時才發現漏了果兩條魚在街市啊......，因為魚販處理魚的內臟時，我們去了買蝦，諗住轉頭就回去拿，點知太開心而忘卻了d魚囉！

這餐我們點了乾奶油蟹、濕奶油蝦、魚鰾湯、蒜蓉炒油麥菜、蒜蓉炒通菜、豉椒炒魷魚、酥炸非洲魚、蜜汁排骨，食物全部X2的，埋單rm$478蚊.

醃木瓜:這個係餐前小食，味道有小許酸，但木瓜就很爽脆，我食完又要求再添加，真係好美味架

花生:無試

可樂:唔知咩牌子，但味道較淡的！

魚鰾湯:湯頭清清地，但這樣才嚐到魚鰾的味道，一點都唔腥的

蜜汁排骨:排骨的醬汁做得很出色，雖然像豬扒多過排骨，但肉質都幾嫩，唔錯

濕奶油蝦:這間的奶油係做得唔錯的，奶油汁很順喉，上次試過後，覺得非常美味

看到蝦的肉質都感覺到有彈性吧？

我們選購的蝦都幾大隻架

蝦身還有糕的

蝦肉當然鮮甜啦

豉椒炒魷魚:沙巴的魷魚真係好賤價的，不過膽固醇都幾高的，每人食些小就好

蒜蓉炒通菜:我的致愛heehee



蒜蓉炒油麥菜:都唔錯

酥炸非洲魚:在沙巴食得多海魚亦會悶的，間中食下平價淡水魚都係唔錯的選擇，特別係酥炸非洲魚，肉質炸到外脆肉嫩，而且一點泥味都無架，試過你就知係好魚，不過細條就無乜肉，我們點的就剛剛好

乾奶油蟹:賣相係咪好吸引呢？大茄來那些真的比下去啦(友人講的)

這些肉蟹啖啖肉又鮮味，最重要係價錢唔貴嘛

單據:這餐買料連煮費每人都係夾了$110港幣，都幾化算

食飽後又要出發去機場

搭四十五分鐘機程就到達斗湖，我們租了兩架VAN仔入仙本那，大概一個半鐘車程就到達仙本那，然後先去seafest酒店辦手續先，然後再出發會合朋友去食宵夜

我 們行去潛店集中區那邊，在海邊終於見到樂樂，本來他是同我們一齊過來的，點知竟買錯機票(都唔知有心定無意的)！早我們幾日就來到，還晚晚去啊龍那裡食晚 餐，可惡啊......，可惜他明天就回KK，但都提供很多有用資料俾我，還介紹了這新開潛水店給我，因這裡的教練係華人，船的摩打係用兩個200匹的， 而且設備係全新架

仙本那島嶼地圖:這店教練還介紹了周邊的島嶼我知，可惜我們已訂了住馬布民宿，原來出很多島都要先回仙本那碼頭，然後才再去島玩，這樣就浪費了些時間囉！早知住在岸上上店算了......

這卡片係潛水教練的聯系方法

然後在隔離餐廳食宵夜，分別點了福建麵X2、馬拉盞炒野菜X2、馬拉盞炒菜心X2、濕炒牛河X2、芒果沙冰、桔仔冰，埋單rm$180蚊

芒果沙冰:芒果味較淡！

福建麵:肚餓的話會覺得好味

濕炒牛河:一般般

馬拉盞炒野菜:野菜口感較粗糙同有點硬

馬拉盞炒菜心:好味

單據

感謝 Dusty 提供以上內容
Dusty 的個人網誌 : www.dusty1118.mysinablog.com/