2012年橫跨新一年在北京7日6夜浸溫泉、歎美食之旅-day7

不經不覺今日已係最後半日在北京了，所以又係要把握時間去買手信



今早八點幾就同師兄兩個搭地鐵去地安門那裡買栗子

很難得見到無人龍在排隊，其實係錯覺，因為早上開門的栗子還在炒，但排排下就會超多人的！

我們總共買了十五包，d人以為我們係傻的hahahaaaaa

之前行經附近見到我喜愛的薄餅，這個餅在上海食得最多，但問老闆出自那地方的？竟然答唔出！

回到酒店和後，就即刻出發去天安門遊覽

在天安門影完相後，我們搭地鐵去張自忠B出口

今日午餐去了秦唐府，這店係食陝西菜出名的，亦為我們四月尾去西安前試一試當地菜，睇下口味是否適合大家

店內的特別裝飾佈置

餐牌

我們坐低後就點了肉夾饃X2、羊肉泡饃、開胃瓜條、清爽魚皮、長壽麵、岐山臊子麵、酸湯水餃、蔥爆羊肉、清炒苦瓜、素燴菜、稠酒、酸梅湯X4，埋單$230蚊.

稠酒:珠姐話甜甜地，但酒味好淡好淡

酸梅湯:這個我就有試喇，味道酸得黎又不過火，加上又夠凍，超級好飲啊

清爽魚皮:魚皮又凍又爽，話咁快就清晒！

開胃瓜條:青瓜都一樣爽脆，唔錯

羊肉泡饃:呢個係西安人重要食糧之一，職員會問我們，泡饃要自已撕定職員幫手處理？

來得咁地道的食店，我們當然要溶入其中啦，睇下各團友玩得幾開心

西安人食泡饃係很有耐性的，他們很享受呢個過程，撕得越細越好，少些耐性都唔得架

呢個就係完成品，每位都食得特別知味，可能大家都有份出力啦，不過羊肉湯頭真係濃，好味道

這配菜可自已喜好而落

清炒苦瓜:無試

肉夾饃:我們分別點了半肥瘦同全瘦的，女仕們都係喜歡瘦的，但我就喜歡半肥的，羊肉又香又嫩，唔錯

素燴菜:不過不失

岐山臊子麵:正宗臊子麵湯頭一定要夠紅，但原來味道係唔太辣架！，而且麵條要幼細同切得平均，真係平時很難才試到的

蔥爆羊肉:羊肉炒得很嫩很嫩，一點都無過火，無論蔥爆牛定羊，我都很喜歡它的味道

長壽麵:面層好似幾多油下！可能天氣凍，所以用來保溫吧？

通常長壽麵係有長者生日才食的，而且每人都會夾一條最長的麵條俾生日那位食的，但這碗麵的麵條都幾粗下，但很有彈性的

酸湯水餃:個酸湯又係很醒胃，不過餃子就一般

單據

在店隔離就有間稻香村，這店係賣傳統北京糕點的

我們買齊手信後就回酒店整理行利

然後搭的士去機場，香港航空係在2號客運大樓的，車費大概$120蚊

 

在C區辦理手續

然後買杯咖啡等上機

今次舌尖上的北京行程圓滿結束，大家試了很多美食，下次我們旅程在二月尾，2013年大伙兒非一般沙巴動感歎美食之旅，總共有二十幾人去，希望能順順利利啦

感謝 Dusty 提供以上內容
Dusty 的個人網誌 : www.dusty1118.mysinablog.com/