2012年橫跨新一年在北京7日6夜浸溫泉、歎美食之旅-day6

今早在酒店食完早餐後，十點鐘才出發去風山浸溫泉，我們首先搭地鐵到德勝門站出

地鐵出口行去巴士總站大概幾分鐘，我們搭888號快車

車廂環境

我們網上購買的團購門票，平了幾十蚊一個人的

大概一個多小時就到達

我們在總站落車，前面就係風山溫泉

不過今日係假期的關系，估唔到係咁多人去浸溫泉架！所以要拿張等候票登記先，這溫泉在北京算是最貴最好質量的，所以足足等了四十分鐘才入到場啊？

園內分室內室外的

換完衫，一出去就係大池

室內有很多不同的溫泉池，但有很多池都不太大的，而且每個池都勁多人同小孩，你係唔會想落去浸囉！

所以我們決定出室外浸，但要有很大勇氣行出去，因室外溫度係低於-15度的

相對室外就很少人，所以一見到無咩人浸的池，就即刻沖落去浸下先，因實在太凍喇，雖然沒有落著雪浸溫泉，但起碼氣溫夠凍同周邊都有很多冰塊，完全不用過冷河，身體起身一陣就已降溫

這個係龍床，底部有溫泉水流過，所以雲石板係暖的

這個大池係我們浸得最耐的，因溫度夠晒熱、又無其他人

大池邊有個細池，但溫度係超高的，我就浸唔到喇，但珠姐話超舒服喎！

睇下池邊同用邊都係結了冰架

浸到身體都熱晒，最好方法當然落冰地走走啦嘻嘻

職員就忙於清理地上冰塊同灑鹽

看看我同女職員的對比，你就會更清楚當時的氣溫有幾凍

浸了大概三個小時，我們都肚餓喇，所以決定回室內食野

以上係場內免費提供的食物，比想象中好，生果很新鮮啊

食飽後，就回更衣室沖身離開，現在時間大概四點幾，但已開始日落

我們回到市區已天黑了

之後在德勝門搭地鐵到8號線永泰庄站，但這兩個男人竟在站裡訓覺！

我們在C出口向前行，見到大馬路就轉左一直行落去，大概行了十五至二十分鐘，早知搭公車啦！

今晚晚餐在九十九頂氈房，不過先去登記，我們早大半個月就打去訂定房

這店其中一個特色，就係在蒙古包裡面用餐，整餐廳大概有幾十幾個蒙古包

餐廳選用炭去烤羊，但就用現代化的機械技術去代替人手制作

這個就係我們用餐的包廂

估唔到裡面的裝似係很精致，感覺自身在蒙古草原上一樣

餐牌

沙蔥土豆泥、氈房面筋、創意冷切駝掌、老醋泡茄子、氈房烤羊背、肉筋串X7、草原干肉燒花菜、氈房魚羊鮮、小公雞煮水晶粉、草原駝肉餡餅X4、雜糧面包、自製酸奶X3、奶茶一壺、三首蒙古歌，埋單$2134蚊.

奶茶一壺:呢壺奶茶最抵飲，每人最少飲到兩大碗，牛既羶味都幾重，但很好飲的

雜糧面包:很奇怪老婆會點麵包！因為已點很多其它食物，不過麵包又幾好味喎，咬落不會好硬的那種，唔錯

氈房面筋:我覺得賣相似涼粉多些，睇落醬汁好紅就以為好辣，其實不會太辣架，味道還不錯的

沙蔥土豆泥:我無試

老醋泡茄子:醋味很重的茄子，味道幾得意

自製酸奶:無試

氈房烤羊背:今晚最期待的羊肉出場喇，這店選擇的羊係直接在蒙古牧場入貨的，所以羊肉質素比一般的較好，成個羊背沒什麼肥膏，而且烤完後的肉質還超級嫩，還超級超級Juicy，賣相又非常吸引

職員幫我們拆骨撕肉，然後放入夾餅裡面

夾餅係很軟熟的，羊肉真的很嫩，肉味濃得黎又唔羶，但肉汁真係好多

 

羊肋骨都一樣好味道

肉筋串:這個肉筋又係一絕，因為有帶筋的部份，所以口感非常好，但完全不會韌的

草原干肉燒花菜:菜花很甜很脆，好味

小公雞煮水晶粉:水晶粉咬落好煙韌，配上濃湯，唔錯

氈房魚羊鮮:這個湯份量非常足，魚肉非常之多，但可惜飲唔到羊同魚的鮮味，可能湯已放了一段時間，沒有熱辣辣的，因為太多食物了，上菜速度又快，加上又要睇蒙古人唱歌表演！

 

創意冷切駝掌:這個駝掌肉質係好彈性架，而且要點芥末醬食的，本身駝掌有少許羶的，但不會很濃，應該係本身的肉味，但值得一試

草原駝肉餡餅:又係多汁的肉餅，真係好味

這店係有蒙古人唱歌表演的，我們總共點了三首歌，第一首係男人只用喉嚨振出來的聲音，呢種係蒙古很有特色的歌，好難得能現在睇到，第二首係女子單獨唱的，第三首係合唱，每首$100蚊，但唱得很好聽

單據

感謝 Dusty 提供以上內容
Dusty 的個人網誌 : www.dusty1118.mysinablog.com/