因為今次去程飛機早上七點四十五分就起飛，所以昨晚去了岳母家訓，因為青衣出發去機場近好多，搭的士只要$150一程，我覺得這價錢可接受啦！
香港航空在K段位置
一早就去到，所以還無咩人，所以好快就辦好手續
以上這份係我同老婆的早餐，但個公仔麵係沒煮過的，只是靠滾湯去整熟，有點失望，所以一分錢一分貨，隔離翠華價錢就貴很多，但質素會好些！
呢架就係我們搭的飛機，外型唔錯啊
今次在第17橋上機，非常之近
話咁快就沖上雲宵，每次看到藍天白雲，心情都特別愉快
飛機上到某個高度，空姐們就開始派餐
這個係我選擇的，比較西式
老婆就要炒麵，但唔明點解有點心？感覺怪怪地的配搭！
生果都幾新鮮
還有曲奇送，但我無試
然後邊食邊睇卡通片
飛北京只要大概兩個半鐘機程，所以很快就到，但望出去就感覺到寒氣十足啊
師兄見到一位媽咪獨力扶住架bb車落電梯，即刻主動去扶住架bb車，非常樂於助人啊
每次最討厭就係等拿行李，因個心很想快些離開機場，不過北京機場有三個，其中T3係最新最靚的
拿
完行李就飛快去搭的士，我們八個人本來兩架的士就足夠，但因行李太多，加上北京的士後尾廂係不能打開蓋行車的，所以最後就分三架，但大家搭的士都要較小
心，因機場一樣有不良的士，我就中了招！原本由機場到崇文門車費大概七十幾蚊的，但我搭這架竟然收了一百五十蚊，所以大家搭的士最好要發票，如果發現被騙
都可能追究到.
今日天氣非常灰暗，氣溫亦較低
地面都有很多雪
相比八年前的北京，現在多了高樓大廈同有特色的建築物，發展得很快
大概四十五分鐘就到達酒店，然後就辦理手續及換條厚褲
今次舌尖上的北京正式開始
酒店對面就係崇文門站，而且這站係有2、5號線的，非常方便
北京地鐵路線圖，比起八年前較簡單的路線，現在開通了多條線，真的複雜了，但同時亦方便了，但在北京搭地鐵要有被撞的心理準備，特別在轉線的車站，人特別多，所以上落車要快，不要太禮讓啊，隨時上唔到車架，還有他們如果下一站就落車的話，會提早迫去門口的，就算人多都一樣咁迫！
我們第一站去海碗居食午餐，要搭5號線在惠新西街南口站轉十號線牡丹園站就到達
車廂都幾多人
因10號較新，所以很現代化
同老婆合照留念先heehee
北京地鐵同韓國地鐵都幾相似，如果轉線的話就要走很長的路，唔怪得d北京女仔咁苗條啦
途經這酒店
海碗居就在翠微百貨對面
這間店係很有名氣的，特別係炸醬麵，非常地道架
我們一點多到達，店裡人客不多
洗手間在二樓
冰糖葫蘆係北京特色小食之一，本來想試的，但很怕不是我愛的餡，因小時候食的係在福建，同北京有分別架！
坐低後，我們點了炸醬麵X4、爆肚、芥末墩、麻豆腐及飲品等等，埋單$226蚊
這個生蒜可以點食架？
爆肚:又係北京人喜愛的美食之一，但我反而覺得這店做得一般，因為牛百葉不夠脆，同灼得過火了！不過個麻醬就很香
麻豆腐:我點的係用羊油，本身豆腐沒什麼味道，但用羊油的關系，就有羊的羶味，但豆腐口感較粗糙，我覺得一般
炸醬麵:主角出來喇，原來都幾大碗架，正宗炸醬麵係有七小碟配菜的
把所有配菜倒入碗裡
然後再倒入靈魂，沒有這黃醬的話，就不是炸醬麵
然後不停咁撈，撈到這樣就可以了，麵條腍度適中，但黃醬真係好香，它雖然係濃，但一點都不覺得鹹，唔錯
食飽後，就搭返地鐵到圓明園站
圓明園站會特別簡單介紹一下，等你會對園林會認識多些
成人入場費十蚊，聯票就二十五蚊，因某些景點還要額外收費的，內地政府真會識賺錢啊
圓明園地圖
今次去北京，其中就係想睇雪，唔知今日會有飄雪嗎？因天氣預測話會有
周圍都係雪，係咪好有氣勢呢？不過要小心地滑
園林裡面有200橋粱，而這條係叫殘橋，已經係最後保留下來的唯一一條橋
其實北京現在大部份湖都已結冰，有很多會俾客人落去滑冰的
之後我們去欣賞仿製的十二生肖銅像，還有短片介紹當時噴水泉的樣貌
豬
狗
雞
猴
羊
馬
蛇
龍
兔
牛
鼠
我們行到這地方時，發現天上有野飄落黎，望真些原來係雪，各團友就開始興奮地歡呼
以下的景點係要額外買票的！
可以睇到當時這花園被破壞得很嚴重
諧奇趣北噴水池
以下係黃花陣，裡面像迷宮一樣，我都要花一段時間才走到中間
我們大概遊覽了兩個小時，北京下午五點就已開始入黑，所以我們決定回出口，不過係俾錢坐車出去，如果行的話就累死，因園林太大喇！
景區的車不在去到大門口的，所以還要行一小段路
天黑得很快，所以我們要加快腳步
之後我同其他團友分道揚鑣，他們先搭地鐵回酒店，而我就原本想搭的士去電腦城找北京朋友拿溫泉入場門票的，點知很多的士都唔去，咁只好行過去啦，但發覺都行了幾遠下才到，而入夜後的氣溫更加冷，雪越落越大，好似落雨一樣
途經北京大學，而我們足足行了半小時有多才到達，拿完票後來就搭巴士到最近的地鐵站下車，然後搭地鐵到東直門站
這間食店在北京係大有來頭的，連舌尖上的中國都有介紹過，所以就算我一早打黎訂了位，但來到一樣還要等等等，等等十五分鐘就有位了，到底魚頭有幾大啊？真係咁好味？我對魚頭就一
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 637572
全部攻略 1006
全部回應 275
