2012年橫跨新一年在北京7日6夜浸溫泉、歎美食之旅-day2

今日我們整個行程都集中在地安門一帶，不過首先要去食個北京最地道的早餐先

我們搭地鐵四號線到新街口站落車，然後在D出口就係

在這條護國寺街上，你們不會擔心找不到美食，只怕個肚能裝個上幾多才是重點

這間食店就係我們食早餐的，要品嘗最地道的北京早點，非這店莫屬

店內的環境，我們選擇坐樓上，不過這店的選擇真花多眼亂，好彩我之前做定功課，我們點了麵茶、炸糕、焦圈、羊雜湯、素丸子、糖油餅、鹹油餅、艾窩窩、驢打滾、碗豆黃、炸春卷、豆汁X5，埋單$64蚊

左邊係炸糕，裡面係紅豆餡，紅豆不會很甜，唔錯，焦圈亦很脆口

糖油餅我覺得太甜，加上很黐牙的，我不太欣賞

 

驢打滾係我最喜歡食的，碗豆黃就很重豆味的

炸春卷比港式大條很多，春卷被又薄又脆，裡面既餡料非常足，值得一試

麵茶其實係糜子麵做成糊狀，食前一定要加灑上芝麻鹽，不過我好像灑得太多了，味道很香很香，但同時亦太鹹了！

這碗羊雜湯非常之濃，材料又足

素丸子:一般般

在品嘗早餐中的時候，有團友話落去買豆漿，點知買錯了豆汁，我就無膽量去試喇

食飽後，我們就向恭王府方向行過去

其實今早還是有飄雪，而且還很大風，睇到上面張相就會知道，真係好寒冷啊

護國寺街一帶還保留了一些較有特色的四合院

又畫得幾似樣喎

梅蘭芳紀念館

行行下就到達恭王府，其實前身係清朝乾隆時代大臣和珅的府邸，相信很多人都知和珅係個大貪官，身家富可敵國的

圖中係原貌

這個就係和珅，原來唔係肥架！

老婆用雪球整鬼珠姐！

遊覽完恭和府後，就繼續行去後海，因為午餐在那裡

話咁快就到達後海了，但現在變了冰海

還有很多人會在這裡滑冰的

我們今日午餐食雲南菜，這間聽講係很正宗的

 

不過這店係無暖氣提供的，而且連洗手間都無架！要行出去外面的公廁......

坐低後就點了杭白菊一壺、汽鍋菌丸、香茅草烤羅非魚、清炒豆尖、干巴炒藕絲、雲南過橋米線、雲南養身汽鍋雞、干椒牛肝菌、老奶洋芋、段氏夾沙乳扇、生炸排骨、下飯黃燜雞、自酿米酒，埋單$568蚊.

餐前醃制小食:兩樣都很爽脆的

自酿米酒:甜甜地，沒什麼酒味，但我無試到

老奶洋芋:這個真係做得好好，洋芋帶點黏性的，但非常非常之滑

段氏夾沙乳扇:這個係大理的名物，因為用高源無污染的牧場牛奶制造的，味道帶點濃郁的羶味，而且入口即溶，但其實我很喜歡大理人用紅豆沙來配搭，這樣食上來就不會太單調，而乳扇制作過程同芝士差不多，只是把它拉長，然後放在竹竿上涼干

干椒牛肝菌:牛肝菌其實係高級菌類之一，因為營養豐富同香味較濃的，所以份量少價錢貴

香茅草烤羅非魚:這條羅非魚雖然係淡水魚，但完全無腥味架，可能用了香茅及其它香草的關系，但啖啖肉食得過癮

下飯黃燜雞:唔知點解無咩團友食這菜，可能他們覺得雞較細隻，感覺上無乜肉食啦，珠姐就成日話雞肉好韌，其實這雞不知幾咁美味，肉質唔係韌，而係有彈性，因為養足日子的關系，所以在香港極難食到有質素的雞！

清炒豆尖:無咩特別

干巴炒藕絲:藕絲有點脆口，極之很惹味

生炸排骨:雖然係炸的，賣相亦一般，但咬落還很多肉汁架

汽鍋菌丸:其實竹笙我係很喜歡食的，這店的竹笙更加有口感，菌丸都幾特別，值得一試

雲南養身汽鍋雞:汽鍋雞睇落不算大煲，但每人都飲到兩碗架，真睇唔出有咁多份量的，湯頭非常清，但非常好飲的

 

雲南過橋米線:雖然我對米線很一般，可能係港式的麵質較差，但這店的米線認真滑，配上用濃湯，唔錯

 

大家起筷喇

單據

食飽後就出發去南鑼鼓巷

這個係鼓樓

但我們行相反方向

右邊係後海剎

一路直行就會到地安門大街的大十字路口，而我們的目標係秋栗香

嘩！有冇咁誇張啊？條人龍長到......，我心裡沉了一沉，到底要排幾耐啊？加上這裡風又大，我很佩服人為了美食，係咁有忍耐力的

來這店的客人，超過九成係為了這些栗子，這栗子聲稱係全北京最好的，因為用懷柔出產的栗子，而且還加入栗子油去炒的

因為實在太大風的關系，團友們就入了在栗子店隔離的咖啡店，但這時我們發現了極驚喜的事

原來在這咖啡店消費滿五十蚊，就可走捷徑免排隊購買隔離店的栗子，但我發覺附近還有其它店同樣的做法

這位就係姜師父

我們總共買了三斤，到底有幾好食呢？真係很期待

懷柔栗子聽得多這大名，但應該係第一次食，因以前太王府井大街都買過，但唔知那裡出產的，但懷柔栗子的殼係較薄的，不用太大力就能打開外殼，栗子係金黃色的，好漂亮的色澤，我試了一粒，口感非常之麵，而且係幾幼滑的，唔怪得由朝到晚都大排長籠啦

 

話咁快已處理掉一斤hahahaaa

買栗子已消耗唔少時間，所以要加快腳部去南鑼鼓巷

我們途經通惠河入去

沿住河邊一直行落去

成班大細路話未試過企在河上喎！所以影張相留念

見到這牌坊就行入去

齊白石名畫家的舊居

一直繼續向前行

行到盡頭就係南鑼鼓巷

南鑼鼓巷其實變得很商業化，賣的都係差不多的商品，不過中國很多地方都係很相似，賣的貨物都很似

 

這一帶有很多胡同，其中竟有用黑芝麻來命名的胡同，幾搞笑

 

在途中我們見到文宇奶酪店，這店又係人氣高企的小店，到底有幾火爆？

等我入內看看先

裡面簡直人頭湧湧，不過排隊都很文明既，我們買了原味奶酪、雙皮奶、紅豆雙皮奶

雙皮奶:味道非常濃，而且還很滑啊，好味過大良的

原味奶酪:無試，但團友話好正

紅豆雙皮奶:這個係我點的，但紅豆很甜啊，完全搶走雙皮奶的味道，我建議買原味的好......

因為很大風的關系，我們不得不做幪面俠，其實我們係大盜，講笑咋

大盜當然夜晚才出動啦heehee

我們行回原路去返後海剎，其實後海剎日與夜係好唔同的，所以我才編整日行程在這裡

我們晚餐在宏源涮肉，這店係很地道的老北京風味，好彩我們一早就訂定位，如果唔係等成個鐘才有得食啊，等拿位的人勁多

我們坐露天，我不太喜歡，因為排隊的人會走入來坐著等，被人望著食不太好

 

這張檯係我們訂的，但其怪係檯上點會有食物放著的，初時還以為係別檯架，但職員話每檯都會送



之後職員很快地送上銅鍋，果然夠晒古色古香，特別在天寒地凍食這種火鍋，心情會有另一番風味

又係菊花

 

這個麻醬係人頭計的

火鍋配料

小食

秘制辣醬

感謝 Dusty 提供以上內容
Dusty 的個人網誌 : www.dusty1118.mysinablog.com/