心情非常興奮，希望能釣到多些魚就滿足喇
呢架係一般出島既船，外型唔錯
老婆話又有得出海釣魚喇，因為上次浮羅交怡收獲甚多
我們大概15-20分鐘的船程就到達釣魚埸地
我已經預早準備定食具，好開心啊
各團友開始釣魚，老婆幾咁有信心
我就一馬當先，話咁快就釣到第一條魚
不過就好細條呢......
跟住陳生又釣到一條、KK又釣到一條
講到釣魚都係船夫好野，釣到條算睇得下既班，我既食具終於有用喇
由於切既埸面太魚腥了，所以無影到過程
野生魚既肉質非常有彈性，即釣即食果然好正，總算都有交代啦，之後換了幾個地點都無魚上釣，總收獲得果5條咁大把，所以只好回程.
雖然老婆釣唔到魚，但成班人都玩得很開心
到了酒店就即刻回房沖身，然後去辦理退房手續
我們個個都已經好肚餓了，呢餐要食得豐富d先得
坐低後，就點了炒番薯苗、蔥油豆腐、招牌翡翠羹、香柳卷、炒生菜、鹽蒸菜園雞、芝麻水晶蝦、紅燒鱷魚掌X2、銀沙豬手X2、芒果布丁X2、椰汁糕，埋單$rm637蚊
炒番薯苗:普普通通
炒生菜:普普通通
香柳卷:裡面有芒果餡架，外層咬落又鬆化，算ok
食到半路，突然點了幾支蠟燭，我還以為又有朋友搞驚喜？因為老婆今天係正日生日嘛，之後才知原來係用黎趕走烏蠅用的
蔥油豆腐:材料非常之簡單，但食落就知有驚喜，豆腐滑到你唔信，好柔軟
招牌翡翠羹:其實係海鮮既材料，所以都幾鮮甜
紅燒鱷魚掌X2:賣相幾吸引，我睇到好多骨膠原啊
鱷魚炆得又腍又入味，膠質好重，越食越黏啊
芒果布丁X2:芒果味好香，加上好滑滑呢
椰汁糕:這個糕做得亦出色，因滑得黎又有彈性，椰味好清甜，唔錯
單據
食
飽後就去Kama’a 做spa，我們每人做了三小時，成身都放鬆晒，之後返Grand Borneo
Hotel，我們訂了4日3夜夏日戀人套餐，包美人魚島、紅樹林、Kama’a
spa等等，但我們就唔去美人魚島及紅樹林，這個亦係給老婆的驚喜之一，大家搞好晒手續及休息一陣後
TOSCANI`S意大利餐廳我們第三次黎幫襯，但未試過黃昏時段黎
這個係室內既裝修
這些餐具唔係我們架？無咁多人喎！其實係方便職員幫客人換碟，所以才準備定姐
我一早訂好晒位
四周環境
我們當然即刻點杯芒果沙冰黎飲啦，一邊望住迷人既日落
這支紅酒係我個酒店套餐送既
老婆話肚餓，要點個小食黎頂住個肚先
點了個炸雞翼，炸得很唔錯，裡面肉質還很嫩，加上用醬汁醃過的，唔錯
黎個這海濱長廊，好多遊客都係為了這日落，所以最好打定電話黎訂位或早小小到
因為喉嚨還是失聲同痛，所以點了杯檸密黎潤下喉
睇
完日落，我們就開始點主菜，意式拼盤、雞肝醬配麵包、忌廉薯蓉、龍蝦湯、蘑菇湯、龍蝦湯、凱撒沙律、芝士焗蠔、炭燒虎蝦、海鮮薄餅、辣腸薄餅、白汁芝士煙
肉闊條麵、西班雅海鮮飯、墨汁意粉、Tiramisu 蛋糕，好多食物都係X2的，埋單rm$1079蚊，每人都係夾左$227蚊港紙，抵啊
凱撒沙律:我就唔多識欣賞沙律既，但他們總愛食
意式拼盤(芝士焗法包、焗蘑菇、番茄蒜蓉包)
我最喜歡這個，清清地
蘑菇湯:好濃味既蘑菇湯，我一定點的
龍蝦湯:老婆就喜歡這湯，真係有龍蝦去熬制架
忌廉薯蓉:無試
炭燒虎蝦:虎蝦有大有細
最大隻有成手臂咁長架，都幾誇張
廚師燒到剛剛熟，因肉質太熟就會老，咬落啖啖肉，當然味道冰鮮就無得同新鮮作比較，價錢都唔一樣啦，但起碼還有蝦味及唔會食到有雪味囉
芝士焗蠔:這個Size我最喜歡，大小剛剛好，味道ok
白汁芝士煙肉闊條麵:無試
西班雅海鮮飯:這個飯賣rm50蚊，如果香港食得到咁既價錢就好了，這個飯我好喜歡食架，因用正宗意大利煮法，用生米同海鮮去煮，特別係飯吸收了海鮮的味道，所以味道係很好
墨汁意粉:用新鮮墨汁去煮，所以很濃的墨魚味，又係我最愛之一
海鮮薄餅:這薄餅賣rm$36蚊，個餅底真係又薄又脆
睇下d芝士拉到幾長，好正
辣腸薄餅:這薄餅賣rm$27蚊，番茄味很香，辣腸唔會好辣的
睇下師兄個碟幾咁豐滿
之後老闆親自整了個Tiramisu 蛋糕俾我老婆，因我一早落單訂好的
今日老婆正日生日，所以再慶祝多次
我們黎個大合照先，呢個開心既回憶一定要永遠保留著，最開心能同班好朋友一齊飲飲食食去旅行，特別鳴謝老闆個蛋糕
蛋糕味道做得很好，賣相又吸引
呢些係貓山王榴槤，係朋友去買過黎的
睇我表情就知個味道有幾好啦，甜中帶苦齒夾留香，正
班團友個個都係榴槤精，除了陳太heehee，所以我們宵夜去了和生園，繼續食榴槤
這檔有各式各樣唔同的品種，但大家切記要問清楚價錢才買，及如果開了係唔熟或唔甜的話，一定要出聲換，當晚點了D24X1、貓山王X1、關搖X1，埋單$rm77.4
我手頭上這粒係D24，但我就唔識得點分
果肉係乾身，但咬落你就知道咩叫做霸道，榴槤味超濃
馬來西亞榴槤真係超好味啊
我們還試了關搖這品種，但味道......唔掂囉
附近還有些生果檔口
這個係臭豆，其實係好有益架
打粒(馬拉話):裡面一粒粒好甜的，但當晚無試到
山竹:食左咁多榴槤，當然都要食返山竹黎解下熱啦，山竹雖然係較細粒，但就很青甜
牛油果
之後買埋個炸大腸，好味架heehee
然後返到酒店浸個泡泡浴先，我浸浸下都訓著左了
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 637797
全部攻略 1006
全部回應 275
