2011年8日7夜辣得火爆在重慶開心歎美食之旅day2-飲食編

今早起身就落去酒店食早餐，呢個係酒店望出去的景觀

係咪好似香港呢？一樣係很多高樓大廈，不過就大霧好多

呢條梯唔知起黎做乜？有冇人敢行架？

食飽就就出發去永川動物園

轉眼一變，又到食飯時間，因為在動物園裡面，所以無得選擇

今日下午我們包了場食飯，因我估計遊客唔超過20個，所以整個動物園都任你點玩都得hahahaaa

唔知係臘什麼鳥？好似幾吸引

餐廳對出的景觀

呢餐我們點了紅燒鹿肉、麻婆豆腐、炒蓮白、紅燒山豬肉、燉老鴨湯，埋單$222蚊

紅燒鹿肉:鹿肉同牛肉質感差唔多，但用辣椒及花椒去炒，感覺很麻啊

麻婆豆腐精髓在於個豆板醬，呢個豆板醬我們一致認同係出色，因為一啖放入口，有種換然一新的感覺，完全在香港食的唔同，醬有層次感，唔太辣味，加上豆腐又夠滑，正啊

炒蓮白係老婆的最愛之一，就算係有點辣都唔會理會，蓮白即係包菜，又甜又爽脆

紅燒山豬肉:這肥豬肉都唔錯，咬落有彈性而唔肥膩

燉老鴨湯:我感覺係味精滾湯多些，無乜鴨味囉

單據

食飽後就繼續遊覽動物園，因動物園同酒店係相通的，所以一個圈剛好到達酒店Check in

這渡假屋係5星級，開業才幾個月咋，但各職員的態度真一流，親切、主動，給人一種賓至如歸的感覺，真的不可不可讚

感覺一樣冷清清，後來問職員，原來當日只有六間房租出，我們已霸了三間喇

因為係動物園的渡假屋，所以環境及各佈置都有很多動物的擺設

他們辦手續，我就四圍影下相

嘩！突然見到前面有隻似駝鳥的動物，仲以為走甩左既添，但原來係酒店特色之一，晚上就會放回籠裡面

唔多怕人架，但亦唔好挑釁它囉

酒店設施指示牌



搞好晒手續就回酒店，但竟有車駕過黎，乜酒店裡面好大架？

點知都未坐暖，15秒就到達房間，離大堂2分鐘路程，咁洗唔洗開車咁誇啊？

黑天鵝就在我們房間前面個水池，好休閒啊

這個就係渡假村的分佈

唔經唔覺又到晚餐時間，初初還擔心這酒店的餐食會好貴，但睇完餐牌又ok喎
 

這晚我們又包了場食飯，成世人都未試過架，我們正正坐在餐廳的正中位置，得這位置才有天井的，感覺很華麗啊

這裡係上層

餐廳裝修很優雅，給人很古典的味道

然後我們點了鄉間美蛙仔、夾餅生態扣肉、茶皇乳鴿、野生兔拼深山黑木耳、蓮白炒粉絲、老咸菜面塊、水餃、蛋撻、旦旦麵、啤酒，埋單$363蚊

野生兔拼深山黑木耳

黑木耳唔算很脆，但個汁好正囉

野生兔好像係白灼的，然後點特製醬汁，兔肉很嫩，老婆話愛上它了

茶皇乳鴿

睇下炸得幾靚，完全做到外脆內嫩，還保留大量肉汁，味道就同香港一般滷水味不同，但有淡淡的茶香，但又搶不到鴿本身的味道

蓮白炒粉絲:這碟就較普通

夾餅生態扣肉:扣肉切得厚薄適中，夾餅做得很出色，非常軟熟

一啖咬落去，感覺自身都溶為一體啊，因為扣肉入口順喉

睇下色澤幾咁靚，入口即溶架，又洗乜食A5和牛呢hahahaaaa<------講笑的

鄉間美蛙仔:估唔到有咁大鍋，真的很大

田雞剛剛熟，非常嫩滑，酸菜的味道好搶，但又唔會很酸，但其實最正係d絲瓜，集瓜身的甜，但咬落有口感，吸收了湯的精華，你班人唔好搶晒黎食好喎......，手快有手慢無

旦旦麵:$5蚊一碗

麵係即點即拉的，絕唔馬虎，但他們話好辣，我就無試到，因要留肚

水餃

整體ok

老咸菜面塊:又係大大碗

唔知點解老婆突然會想叫麵塊，搞到我無得食旦旦麵，但很鐘意咁多酸菜，麵塊見到就飽了

這個飯係我食過最好味之一，因為一試已有驚為天人的感覺，飯粒分明細緻及雪白，有點似珍珠米，就好似媽媽的溫暖一樣，好耐沒試過咁好味的飯了，可惜相惜已太遲，識我的朋友都知我係飯桶一名hahahaaa

蛋撻:外層唔係酥皮，但重點係中間的農家雞蛋，又滑又香，可惜餡太少

單據

特別鳴謝這裡的廚師及職員，就算無乜客人，但一樣咁用心去煮，職員就很專業，因為記得我們點了菜心，但職員話菜心今日來貨唔太靚，估唔到會咁細心囉

晚上就去了茶室飲茶及玩啤牌heehee

感謝 Dusty 提供以上內容
Dusty 的個人網誌 : www.dusty1118.mysinablog.com/