2012年9日8夜上海、蘇州尋雪歎美食之旅day3(PART2)

行了成個上午，個肚都打晒鼓了，就在景點附近就有間朱鴻興老店，入到去搵位坐低，我就去櫃台睇下有乜好食啦，點知老闆話師父已落場，乜都無得食，唉！

之後我們先回觀前街，呢度間朱鴻興就正常營業，不過價錢就貴好多，所以決定幫襯隔離綠楊餛飩店好過

先搵個位，我就去買了蟹粉小籠、油煎小籠、牛肉麵、香菇餛飩、五香大排麵、鴨血粉絲湯，埋單$82蚊

五香大排麵:師兄話未食過咁難食的排骨喎！

牛肉麵:牛肉得果幾粒，還要係很細粒，麻麻地

鴨血粉絲湯:反而這個煲就出色得多，材料又足、湯比第一日果間更好，唔錯唔錯

蟹粉小籠:食唔到有蟹粉味囉，湯汁又唔多

香菇餛飩:一般般

單據

食飽後就出發去平江路，在蘇州人家酒店對面碼路

在對面入口竟然見到有粢飯賣，等明天黎試下先

呢檔係蒸糕點的

呢條街道一直行入去就係平江路喇

這建築物係古典元素與現代風格的結合，不過我唔識得欣賞

好幽靜的河道，很突顯蘇州的特色

我很喜歡這個構圖，個小孩很專注睇書

思婆橋睇唔出有千年歷史的

連學校都係用古代建築風格

平江歷史街介紹

第一日晚餐就在這裡食

可能未到晚餐時間，所以師父可輕鬆下

真係用果木燒架

其實坐船遊覽平江路的面貌係好的，可惜我們無時間

呢間係貓之天空茶館，經常係年輕人的聚腳地

師兄當然唔放過睇女的機會啦

入面有很多特色名信片賣的

我們當然要買返幾張啦，這裡有代客郵寄服務的

烏蠅在裡面唔知搞乜，成大半個鐘都未出黎，唔通他在裡面作緊詩？

又見到爆米花，記得細個時要排晒隊，還要自已帶一袋米去的，他只負責帶你爆

經過高溫加熱，壓力上升

時間一夠，就會用鐵網套住

一打開蓋就呯一聲巨響，老婆被嚇親

好多米花啊，好香

跟住又一個循環

行完平江路就返酒店放低野先

街上很多人在放煙花



今晚晚餐在协和菜館食，這店亦係老店之一




好多唔同既鍋

我們坐低係就點了涼拌海蜇頭x2、醬方、清炒蝦仁、蟹粉獅子頭、松鼠桂魚、黃魚羹，紅燒豆腐菜心，埋單$375蚊.



涼拌海蜇頭:海蜇頭很爽脆，幾個人搶住黎食，老婆就叫多份自已獨享



醬方:非常之腍，但層豬皮沒有咬口，不過味道很唔錯



清炒蝦仁:河蝦都可以咁鮮咁彈性，唔怪得係招牌菜之一




蟹粉獅子頭:蟹粉極之足料，味道都不一樣D，咬落又多肉汁又濃蟹味，好抵食



紅燒豆腐菜心:普普通通




松鼠桂魚:呢條魚同之前果些真係差得遠啦，證明這店的師父係靠得住的，外面炸得金黃，裡面魚肉還咁嫩，這道菜真係唔易煮架，少些功力都唔得





黃魚羹:黃魚本身味道係較濃的，所以煮羹配搭一定要較淡，這才不會蓋過魚的味道，但這羹會令人食得唔安心，因為有好多幼骨，所以要特別小心



單據



食飽後就回酒店休息，途中見到賣生果的車檔，老闆話自已賣的柑係多汁及一定甜喎，唔甜包換，心想到時要換都唔知點搵你啊，不過食完證實老闆無吹水的。 

感謝 Dusty 提供以上內容
Dusty 的個人網誌 : www.dusty1118.mysinablog.com/