[佐敦] Hello Kitty 中菜軒 ‧ 不是Kitty迷也會潮聖的主題中菜軒，小菜比點心更好吃!

是晚黎到位於佐敦的Hello Kitty主題中菜軒食晚飯，如果乘坐西鐵，去到柯士甸站B Exit會比較近。


(喜歡的，請按讚支持，是給我很大的鼓勵啊 

)  
Connie's Food and Life Corner

   








餐廳既外觀帶有古色古香既味道，當然少不了走著中江風設計的主角Kitty。餐廳旁邊還有一間小小的Kitty店子售賣精品、美食和包裝得頗美的海味等。






說真的小妹並不是Kitty粉絲，但對於喜歡相機食先的我，又覺得呢度係一個拍照既好地方。黎得呢度，見到鄰桌和不少客人都在自拍和相機食先，相信店員都習已為常，見你唔影先怪！


餐廳內環境頗大，不過座位不多，感覺頗舒適的。牆上掛上了Hello Kitty的中國畫。


吊燈也印有Kitty圖案的










當然少不了連木桌子、餐具也是，很精緻呢


出餐的位置也有個大的Kitty公仔可以與它合照。






















餐點包括點心、小食、湯品、小菜、海鮮類、蔬菜類、巧手美點、炒粉麵飯和甜品等。不過想要有Kitty樣子的菜式，點心類就有較多選擇，小菜就以飯類較常有Kitty的樣子。


點菜前，餐廳會送上一小碟涼拌木耳青瓜，質感爽脆，頗開胃的。






Hello Kitty 流沙包 $62 每個流沙包都印著Hello Kitty的可愛模樣，雖然很可愛，但還是忍不住要一口咬下。流沙程度不錯，不過流沙餡的蛋黃味可再濃郁一點。






Hello Kitty 蝦餃皇 $68 一籠四隻，但只得一隻係有Kitty的樣子，其他三隻都只印上她的蝴蝶結圖案，所以如果幾個女仔一齊黎潮聖，睇黎要爭崩頭先爭到個Kitty樣既蝦餃返黎。


蝦餃外皮望落好像有點厚，不過食落又唔多覺，外皮很煙韌，而且裡頭的蝦肉頗多又彈牙，味道不錯。


香酥雞 $88 香酥雞的炸粉很薄，咬落熱辣辣外皮帶點脆度，肉質嫩滑富肉汁，整個很惹味，小妹食唔停口。


野菌牛柳粒 $128 意想不到牛柳粒炒得很香，咬落頗爽口，配埋同樣炒得很香的四季豆和野菌，好食，係油左少少。






橙花香蜜肉 $108 呢一款就好似用返頭先食過既香酥雞，再淋上大量橙味芡汁，那又黃又綠的配料，望真點原來係Hello Kitty公仔黎的，兩者都係蜜瓜，食落酸酸甜甜滿開胃。


Hello Kitty 雙層椰汁紅豆糕 $68 大大個賣相可愛的Kitty椰汁馬豆糕，上層係馬豆糕，下層係紅豆糕，另外還附上一小杯花奶，感覺幾足料，味道還可以。






Hello Kitty 芒果布甸 $58 布甸上面放了一粒Kitty頭的朱古力，不過出晒倒汗水，所以唔好睇。布甸的上層係芒果味?哩，下層先係芒果布甸，不過整體的質感較實和膠，好似落得太多魚膠粉所致，又沒什麼芒果味，食左幾啖就放棄了。
賣單時餐廳會比張Kitty儲印仔卡你，每$100有一個印，儲夠所需印花就可以即刻換份禮物呢！Kitty 粉絲不容錯過啊，最快5個印仔已經可換一條靚靚小毛巾。


Hello Kitty 中菜軒 地址: 佐敦廣東道332-338號利來洋樓A至C地舖 (港鐵柯士甸站 F 出口, 步行約3分鐘) 電話: 82028203 營業時間: 星期一至日: 11:00-16:00; 18:00-22:00  截單時間:15:30 及 21:30

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================