今日在酒店食完早餐後，就出發去天頤溫泉，我會在稍後去介紹
浸了半日溫泉，成日人都舒服晒，不過就好肚餓囉，因為午飯都未食，所以出發去山塘街，大概要一小時車程
我們落了車還要行一段路才到，街上有很多小食，但我要忍忍忍，因為我心中已有目標
呢些檔灘都佔唔少地方，唔知是否新年先有，不過都無乜人玩
行行下，見到有檔係炸蘿蔔糕的，真係用一條條蘿蔔絲的，好似很吸引，但老婆話山塘街入面應該有很多小食店，唔好在路邊買黎食喎......
終於都見到山塘街入口喇，其實山糖街在唐朝係一個商品集散地，一邊連接虎丘，另一邊就連接繁華商業區，係南北商人的聚腳地，以半塘橋為界，分為南北兩段
日光日白都有人放煙花，但就唔靚囉，浪費晒
蘇州係水鄉，很多地方都會見到這些水路
好彩今日唔算太多人，起碼重見到條路
離入口不遠就搵到我既目標，就係潘記藏書羊肉老店，藏書係蘇州其中一個鎮，那裡既人係養羊為生，因為地理環境好，所以出品的羊肉肉質鮮美、營養滋補而馳名，並有羊肉美食之鄉之稱，所以街上很多藏書羊肉店，就好似蘭州拉麵一樣
企在門口都已聞到d香味，見到都流晒口水啊，之後我們點了羊肉湯麵、羊雜湯麵、紅燒羊肉麵、羊肉湯、紅燒羊肉湯麵、白切羊肉，埋單$110蚊
羊肉湯麵:湯底每碗都係一樣的
羊雜湯麵:這個係我點的，羊腸我記憶中係第一次食，食落有少許羊味，但完全唔羶的，麵條就沒怎特別
羊腸夠晒肥，又無異味，唔錯
紅燒羊肉湯麵:無試
紅燒羊肉:首先不得不贊下個汁，濃得黎很溫和的味道，而羊肉又煮得夠腍及入味，正啊
羊肉湯:老婆話要原汁原味，湯頭用大量羊骨熬制，試完一啖你就知咩叫羊肉湯，非常非常之鮮啊，湯頭又夠清
白切羊肉:如果就咁食就覺得好乾，無乜特別
但浸一浸就唔同晒，肉質變得很嫩
食飽後就繼續行程
白居易祠
條水路睇落都幾窄下
山塘街地圖
又見到鼻豆腐，還要排晒大隊，唔試都唔得啦
新鮮熱辣辣炸起
加些辣醬先
味道唔錯啊，外層炸得脆，其實食落唔臭的
蘇州老特色小糕點
海棠糕:外層係蕉糖，裡面餡係豆沙，味道唔會好甜，有點出奇
梅花糕:味道亦係偏淡的，內裡都係豆沙
我暈！又係豆腐，師兄見到就話要食
不過這檔的醬汁好味些
師兄話咁快就一淡放入口，睇我老婆眼神就知啦hahahaaa
戲棚
呢檔賣蔗的唔知點解特別多人，地下d蔗皮都堆到一尺高，認真厲害，其實後面過了馬路後，這條街係較原始味道，唔似出面果些，商業味較重
好大塊炸豬皮啊
好多滷水食物
景色都特別靚，其實這條係街又似古鎮，唔差得過其它有名的古鎮架
偷偷入了別人家影張相
以貓做主題的飲茶館，蘇州有幾間分店
如果喜歡拍照，其實山塘街係唔錯的地點，慢慢行可玩足半日架
好耐無見過這玩意喇，你們估下係乜？
行到餓餓地，突然被遠處的韭菜味吸引到，所以即刻行去睇睇
原來係韭菜餅，還要係好大塊的
老闆我要加多些韭菜啊
還要加隻蛋咁補？哈哈哈
首先試下個羊肉餅，餅身好薄薄，裡面有羊肉碎，羊肉好香架
我分到一小塊的韭菜餅，因為要出發去食晚餐，所以一塊餅四個人分，好耐無試過真正韭菜餅喇，我要好霸道的味道，這餅完全做得到，贊啊，幾蚊才一塊大餅，但老闆都落足材料去整，其實材料唔係貴及簡單，但要堅持自已的品質就好難
之後出發去金雞湖，這個湖好大，有分東南西北，東湖較旺區，特別係這裡的夜景，係好靚的，不過今次無帶腳架黎影，所以影出黎效果都唔太好
這裡有穿梭巴士的
我們今晚去了得月樓食晚餐，現在係六點幾，超多人啊！所以只好等位囉，排了大概半小時就有位，因為本地人較早食晚餐的
我們坐低後就點了油爆大蝦、日式撈海蜇頭、響油鱔糊、蟹粉娃娃菜、得月童雞、銀魚莼菜羹、龍芽桂花炒瑤柱，埋單$491蚊
松鼠桂魚唔係我們點的，只係我去偷拍一張睇下heehee
日式撈海蜇頭:海蜇頭很爽脆，但味道真係唔得，因為用wasabi(山葵)去撈，搞到味道怪怪地，服務員唔該我要香醋啊
油爆大蝦:這個係凍食，味道亦偏甜
得月童雞:雞都幾滑既，味道唔太突出
莼菜銀魚羹:味道係偏淡的，銀魚好細好細條，其實都唔知飲緊係咩味道？
龍芽桂花炒瑤柱:這個菜就真係炒得好過大榮華幾倍喇，粉絲乾身但又軟熟，其它材料亦夠香，唔錯
蟹粉娃娃菜:係咪好多蟹粉好似好吸引呢？但我唔喜歡d娃娃菜切到咁細條，又煮到咁鬼腍，你估我們七老八十咩？
響油鱔糊:上菜時會在客人面前倒些滾油落去，所以會發出聲音，然後就撈均就食得
黃鱔切得很長，好似很豪氣，味道雖然係好、係鱔肉應該係用養的，因肉質唔夠彈性
單據
之後繼續遊湖，見到對面不停咁放煙花，應該係噴泉表演中
亭裡面頂部有條好立體的龍，唔知睇完今年會否行好運？
對面一點點的係孔明燈，好多人在放
一睇就知係高級餐廳啦，無一萬幾千都落唔到樓啊
李公隄
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 629852
全部攻略 1006
全部回應 275
