0

四月回顧

小地勤點滴 於 2016-05-01 12:53:46 發表  |  累積瀏覽 683

分類:

01.05.2016


每年四月 , 都係我地一班地勤好緊張既月份 , 因為過往都係 4 月升職或加人工 . 小地勤我對職級從來都無興趣 , 職位越高 , 做野越多 , 雖然我自問自己都叫有能力當掃把的人 , 但我唔想孭起依個吃力不討好既責任 .


自從舊人一個一個離開 , 呀姐都為左留我地做左好多野 . 好似佢知道我唔想再輪班 , 都開左個文職位比我 , 佢好到咁 , 我仲有咩資格呻唔開心呢 ? 當然 , 只要我肯唔再固執 , 日子其實都好開心好快樂 . 大家都見 , 小地勤成日去旅行 , 原因咪係呀姐比左好大既自由度我地囉 !


講返加薪 , 公司話平均 3 % , 實有同事話少 , 不過睇返大圍經濟 , 老實講公司今年都仲比份大花紅同事以及仲有人工加而唔係炒人 . 算係好有良心既公司 . 對比起其他航空公司 , 雖然依到係比較辛苦 , 客人都比較麻煩 , 但公司對前線真係唔錯 . 經常買 Cake 買飲品比同事食 , 每個月又有生日會又送禮品 , 就算我結婚 , 又或者同事生 B , 都有送禮卷 , 其他公司應該做唔到 . 至於今年加薪 , 公司對舊同事應該比較好 , 所以跟往年差唔多 , 總之唔係 3 % , 而我亦好滿意 !


四月 , 好似唔多覺聽到有同事話升左職 , 往年依個時候 , 貴賓室都會有好多同事升職的 , 今年可能同事真係未夠資格吧 ! 我地依到的確出現左斷層 , Senior 越來越少 , 貴賓室正在莊大 , 依種情況 , 呀姐都話係預左 , 除左努力請人外 , 都無其他方法 . 


今個月 , 都走左 3 位同事 , 但我覺得影響唔算大 , 可能 3 個都唔係做左好奈 , 要搵人頂替真係好容易 .


唔知幾時開始 , 小地勤對所有事都好似有點自身事外咁 , 掃把們都睇得出 , 我唔似以前咁樣 , 每樣事都好關心 . 咁小地勤都已經得到一個好位置 , 當然唔想理太多事 , 我只做返自己應該要做既事 , 而且同事們對我都幾好 , 起碼每次我做頂掃把更時 , 佢地都唔會煩我 , 最多真係攪唔掂先會入房搵我過幾招佢地 . 


我表現得好唔好 , 有無比人搶功 , 又有咩所謂 , 最重要同事唔好被客鬧比客投訴 , 繼而攪到我 , 我就已經心滿意足 . 呀姐講得好 , 當你唔在意人地點諗你時 , 反而會做得更好 .

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • EEChan 於2016-05-01 20:55:13 留言
    可能你做咗人阿太,心態有啲唔同。
  • 舉報 回覆
  • No.1
  • 小地勤點滴 於2016-05-01 23:42:34 留言
    原文由 EEChan 於 2016-05-01 20:55:13 發表
    可能你做咗人阿太,心態有啲唔同。
    可能吧 . 呀太眼中家庭先係第一 . 工作就準時返工 , 準時收工就好足夠 .
  • 舉報 回覆
  • No.2
  • Sheella113 於2016-05-01 23:45:58 留言
    我好鍾意你講話自己做好自己的,就OK~ 的確,做好自己要做的,就夠~
  • 舉報 回覆
  • No.3
  • 小地勤點滴 於2016-05-02 20:16:30 留言
    原文由 Sheella113 於 2016-05-01 23:45:58 發表
    我好鍾意你講話自己做好自己的,就OK~ 的確,做好自己要做的,就夠~
    唔爆鑊,已經好好。哈哈
  • 舉報 回覆
  • No.4
  • Sheella113 於2016-05-02 22:29:07 留言
    原文由 小地勤點滴 於 2016-05-02 20:16:30 發表
    唔爆鑊,已經好好。哈哈
  • 舉報 回覆
  • No.5
  • 小地勤點滴 於2016-05-03 19:12:15 留言
    原文由 林公子 於 2016-05-03 02:22:15 發表
    都係個句,唔好走啦~
    依加個位唔洗輪班,已經好益我,我都想做到退休,賴得搵其他工
  • 舉報 回覆
  • No.8

最多能輸入300字

累積瀏覽 495720

全部攻略 711

全部回應 4285