[元朗] Sweetish ‧ 西貢滿記旗下年青新品牌 | 新款榴槤芝士甜薄餅仲係牽絲架，天使蛋糕都有驚喜！

滿記旗下年青品牌 Sweetish琴日係yoho二期開幕嚕。開張第二日的下午就與他去左食個甜品下午茶。


(喜歡的，請按讚支持，是給我很大的鼓勵啊 

)   Connie's Food and Life Corner

   









新店分開了兩邊，一邊係甜品堂食的位置。另一邊係售賣日本品牌Tokyo Milk Cheese Factory的芝士餅和蛋糕 （據說芝士餅要六月先開始有得買）。






店子以簡約的木紋裝潢為主，牆上放了些小盆栽點綴；不過坐位與坐位間確實迫狹，人多的時候冷氣唔多夠啊！






























呢度除左滿記原有既甜品外，仲多左d相機食先既新甜品。好似窩夫、班戟、甜味薄餅和乳酪樽等，外面仲設有蛋糕櫃。


Earl Grey Angel $45 有供應抹茶紅豆、士多啤梨、玫瑰、黑朱古力既天使蛋糕同一款芒果千層蛋糕，價錢都係約$45/件。


食落蛋糕輕柔軟屬，帶有鬆軟的質感；面頭有少許忌廉伴著食，入口有陣陣天然伯爵茶的清幽香氣，好喜歡呢，一個人食一件不是難道。






甜蜜派對 $58 圓形的蛋糕賣相鮮艷，面頭佈滿了一層忌廉和各款水果，水果入口幾甜，而且士多啤梨都幾大粒；基底係鬆軟既雞蛋糕，入口富蛋香。其實味道幾似傳統個種鮮果海綿蛋糕的變奏版，相信都好易聯想到係什麼味道，影相是不錯的，但覺得可以留肚試其他新款甜品。






榴槤芝士薄餅 $48 這薄餅即叫即整，所以上到檯時係熱辣辣的，可其吸引！薄餅係用左餅乾做底，上面係榴槤肉同水牛芝士一齊焗，所以拉艷黎係有牽絲效果架，正！


咬落餅乾底脆卜卜，再黎係啖啖甘甜的榴槤肉，配搭埋咸香味重的芝士，實係幾好食啊，價錢唔貴，值得一試。


冰粒杏仁咖啡 $28 他點的冰粒咖啡，店員會將翻熱了的杏霜和咖啡冰粒分開上。






待影好相後便淋上杏霜，他說杏霜的味道比咖啡重得多，雖然一路溶化的咖啡冰粒會帶點咖啡香，但味道卻不重，對於喜歡咖啡的他係有點失望。而且走左之後先發現比少左一塊跟咖啡的芝士餅，對於喜歡食呢款芝士餅的小妹回想起確實無奈。

Sweetish by HONEYMOON DESSERT 地址: 元朗YOHO MALL II 3樓A315B號舖 (元朗西鐵站F出口) 電話: 2325 4049 營業時間: 11:00am-11:00pm

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================