2011吉隆坡(留有污點)、檳城、怡保9天歎美食之旅day2

今早我們去了七條路巴剎食早餐，這裡勝在選擇夠晒多

我們點了爪哇麵、鴨肉粿條湯、燒肉、凍咖啡、凍菊花、桔仔冰

爪哇麵:無試

鴨肉粿條湯:材料多，但魚旦超有彈性，完全可以用黎打乒乓球

燒肉:這檔燒肉應該係最好的，他們選用的豬不會太大隻，所以完全唔肥架

凍咖啡

凍菊花

桔仔冰

食野其間有位嬸嬸過黎sale彩票，今期有超級金多寶喎，所以每人都買了幾張玩玩

跟住我們再到老巴剎食珍多冰，因為天氣太熱了

一早已經有咁多人黎品嘗喇

這檔應該係檳城最好的喇，連我咁憎食豆的都話好味

其實我係接受唔到這樣的檔口的，因為睇落好似唔衛生咁，但又真的很美味

珍多冰:珍多裡面的材料有刨冰、珍多、紅腰豆、椰糖、椰漿，特別係椰糖的味道很突出，綠豆粉又夠滑，甜甜地又鹹鹹地，天氣熱就特別想食它

之後我們就去了第一個景點

姓周橋:這裡以前係很多華人住的地方，但現在的面貌已經改了很多很多

其實這裡只得一條唔算長的行人路，遊客通常唔會停留得耐，亦無乜觀賞價值

連烏鴉都熱到黎飲水

之後去了第二個景點:僑生博物館(之後會有個特輯介紹)

睇完僑生博物館後，又夠鐘要醫下個肚先，我們去了興發茶室，點了馳名炒粿條、炸芋頭、煎蠔餅、otak otak、竹蔗水

呢個戴紅帽的係老闆，亦係生招牌，她的炒粿條比其它店貴一倍，等既時間起碼要十五分鐘以上

otak otak:呢個係好出名的娘惹食物之一，材料有鯉魚片、椰汁、九層塔等等，不過味道怪怪地，唔知點形容，但就好液體，撈飯食較好

炸芋頭:炸得唔夠香

煎蠔餅:檳城的蠔餅又係一絕，因為加了薯粉的關系，咬落非常煙韌，港式的真係行埋一邊啊

炒粿條:終於等到主角出埸喇，無論賣相及味道都係一流，老闆娘唔會因為人多而變得求求其其，質素及用料又保持得好，蝦夠大隻、夠彈牙、夠新鮮，好味到我都唔想多講

竹蔗水

食飽後再出發第三個景點:泰國臥佛寺

臥佛身上的金色的衣服全部係真金，係泰國公主把手飾捐贈出黎，然後呼籲其他人都黎募捐

臥佛的腳果係用貝殼切成的

之後過對面就係第四個景點(緬甸佛寺)

呢個塔係新起的，係由一對日本夫婦出錢起，咪睇得果三層高啊，裡面竟然有升降機架

其實塔裡面係很通風，地上係用雲石鋪的，所以訓在地上很舒服

這裡竟然會有馬三寶宮給善信參拜，邊個係馬三寶?咪係鄭和囉

睇完寺廟後，我們又夠鐘去飲個 High Tea，這個High Tea一早已預訂好，因為E&O酒店係當地很出名的，整個建築物係英式設計，創於1885

不過住一晚都唔平，但環境真係幾靚的

這個套餐一set係rm48蚊，分別有一壺茶、一set包點，兩個人叫一set都可以，但一個人叫一set的話，包點係可以refill一次的，我們五個人叫了三set，點了雲呢拿茶、印度茶、經典紅茶(勁難飲的)

入面環境都很靚，氣氛亦很好

但大家記得唔好似我咁著住短褲入去，我這次係例外的，因打去訂時個職員無同我們講聲，所以責任在他們度

一set當然唔係咁多啦......

腸仔酥

這裡係三set的，但份量都幾多架

整體ok啦

單據

檳榔嶼鐘樓地標

然後出發去武吉淡汶漁村，離市區大概四十五分鐘車程，這裡食海鮮係較平的，但有個缺點就係很多烏蠅，因為近紅樹林的關系

四周的環境

我們選擇在義成海鮮樓食晚餐

紅樹林蟹

蠔

瀨尿蝦

龍蝦

海蟹

睇完海鮮後，我們就點了清蒸瀨尿蝦X5、清蒸斗底倉、白灼八爪魚仔、薑蔥炒蟹X4、鹹魚炒菜膽、馬拉盞炒通菜、沙梨汁一渣，埋單$169.5.

白灼八爪魚仔:估唔到這裡的八爪魚係咁鮮味的，有點後悔點得咁少，而且非常有口感

馬拉盞炒通菜:食唔出馬拉盞的味道，一般般

鹹魚炒菜膽:這個菜膽就出色得多，亦係今個旅程點得最多次數的，無它既，因為夠甜夠爽口

薑蔥炒蟹:紅樹林蟹的質素係比海肉蟹好得多，殼夠薄、肉夠甜，加上隻隻都生猛爆晒肉的，鐘意食蟹的實喜歡

清蒸斗底倉:呢條倉魚超新鮮架，因為身體還有大量很滑的液體，師父落了杞子之類的藥材及酒去蒸，所以非常香噴噴，加上係野生海魚的關系，肉質有彈性、又滑又濃魚味，鮮甜無比啊

清蒸瀨尿蝦:隻隻都有起碼六吋長的，rm七蚊隻超級抵食啦，啖啖肉又食得爽快

沙梨汁:有點似吉仔冰的味道

單據

食飽飽後就回市區，途中見到榴槤檔，於是揀了粒黃薑品種的，成rm45蚊架，都幾貴

可惜很失望，味道淡、又唔甜、肉少、粒核重鬼咁大粒，激鬼死......

跟住回酒店休息，老婆她們就去了做Spa，做完後就落樓下食消夜，去了酒店附近的松花江餐室，點了燒雞翼X4、魷魚雍菜、牛肉干撈、埋單rm26蚊

燒雞翼:雞翼係炭燒的，所以味道特別好，這檔的雞翼都很出名架

魷魚雍菜:水魷魚我的最愛，好味啊

牛肉干撈:牛肉湯都無乜牛味既，牛肉亦唔夠嫩，撈河粉就不過不失啦

感謝 Dusty 提供以上內容
Dusty 的個人網誌 : www.dusty1118.mysinablog.com/