今日一早起身又要出動去搵 美食，因為在檳城係最後的一天，所以一定要全日都係食食食，首站係第七街巴剎，呢度類似香港的熟食檔
隔離有間大伯公廟的
裡面有好多檔口及美食，實有一款適合你的
睇黎間店既生意應該唔錯的hahahaaaa
干撈雲吞麵:無試
爪哇麵:試了第一啖湯，估唔到係這樣的味道，初初還以為跟咖哩麵差不多的，誰知這湯係好濃的蕃茄味，非常好食的
生日麵:無試
咖哩麵:材料豐富，咖哩亦好香，最正係d魷魚哈哈哈
豬肉干:味道就唔錯，但肉質有點粗
燒肉:燒肉的皮好鬼硬啊，好彩我唔喜歡食皮的，反而塊肉就好味
鴨肉粿條湯:個湯做得幾出色，飲落好清，唔怪得咁多人幫襯啦
食飽後就出發去成香買手信
成香餅家都係一間老牌餅家
好得意的電動搖床，個bb個幾月大咋
這個咸蛋蝦米餅好香超好味
買完手信又要出發去食野哈哈哈
我地又去返這間亞依淡巴剎叻沙，因為實在回味無窮
同老闆黎個合照先，其實我們食麵中途開始落大雨，但之後發生了超感動的事情，話說食完離開時，我們的車其實就在門口，但老闆竟然親自拿著雨傘在上車口前幫我們擋雨，我當時個心有說不出的感謝
睇下d湯既顏色就知係有料到啦，重要滾了幾十年
麵滑湯濃四個字講晒，再加上其它香草配料，真係一絕
豆槳:有豆味同不太甜的
隔離檔的小食
裡面賣的主要係豆蔻的產品，蚊叮蟲咬，滴一滴即刻舒服晒(賣緊廣告)hahahaaaa
之後我們出發去義香，黎得呢度當然係買麻油啦
雖然香港都有得賣，但包裝及味道都有點分別的
我還買了豆沙餅
買齊手信後，我們就要坐一個多小時車到北海那邊尋美食，所以遠d都值得
途中我們又訓著了，一醒就見到周圍環境比較郊區，還有牛牛啊
終於都到了呢間隱世餐館了，真係好偏僻的，唔係有導遊帶我們黎的話，都幾難搵得到
好得意的蜥蜴
這間餐館叫甘文丁湖上美食館，其實這裡有兩間的，但另一間係煮得好難食的
呢度賣的魚全部係野生的，所以每日唔知有什麼魚賣，野生田雞亦要預早一日通知的，可惜聽到個壞消息，就係今日無野生筍殼魚及田雞......，即刻心情都變晒
周圍的環境好大自然，很舒服
菜譜
自家製的涼茶
三味金鳳魚:咪睇賣相好似好樣衰咁，d汁又多得驚人，但當你用筷子一夾就知個廚師工夫非常之好，個皮脆得誇張都算了，d汁好味到不得了，我們每人都贊好
雖然係炸的，但裡面的肉質還很嫩滑，野生的魚確係唔同些的
有幸能試到咁好味既魚哈哈哈
咖哩山豬肉:山豬肉估唔到可以咁幼嫩的，雖然睇落似好辣，但實質唔會的
咸魚芽菜:呢碟芽菜又係煮得很出色，芽菜係爽口的，但我覺得d咸魚才是主角，咸魚的味道完全唔同香港果些的，非常之香，簡直超水準啊
清炒椰菜:這碟就普通得多了
清蒸野生白鬚公:肉質鮮甜及有彈性，估唔到淡水魚都會好味過海魚多多聲的，東星班果些根本無得比啊
睇下幾咁雪白
話咁快就清晒成碟魚，班友仔真係狼死啊......
睇下腩位幾咁肥，但我覺得無白叔公好味
呢餐雖然得7個人食，但我地的胃口依然好勁架hahahaaaa
食飽後當然要埋單啦，點知一睇張單，真係唔敢相信，埋單RM$121蚊，唔係掛咁平都有既，我請大家食又點話哈哈哈
之後再坐一個多鐘的車程去坤泰餐館，呢間主打正宗的泰國菜，其實呢度都好近泰國南部的，加上老闆既老婆係泰國人黎的
雖然係泰國餐館，但海鮮品種亦很多，價錢重平過檳城及浮羅交怡很多
瀨尿蝦咁大隻就很普通姐
但野生淡水大頭蝦都咁大隻，真係誇張啊
我地就係坐在呢個亭裡面，環境的氣氛唔錯啊，雖然我們剛食完唔太耐，但個個都話好餓喎......
公車腩霸:哈哈哈，就算在泰國都未必有咁好質素的，因為係用海蝦，d肉質勁爽脆，加上新鮮即做的，鮮甜無比啊
睇下賣相係咪好靚好吸引呢？
冬陰公:睇賣相係咪覺得超正呢？我都認為係，對它很有期望，點知試了第一啖，心裡一沉，(有無搞錯啊？又話好正宗既？)呢鍋冬陰公酸到不得了，簡直離晒譜啊，我們當然即刻投訴啦，跟住老闆即刻拿返去搞搞
雖然整完係無咁酸，但都影響我對呢鍋湯的食欲了
招牌炒蛋:蛋裡面的餡係用了香草，聽外父話係九層塔喎，但真係幾香的
炭燒野生大頭蝦:哈哈哈，今晚的主角出現喇，雖然無得去霹靂河食，但好彩呢間餐館都有得食
真係成隻手掌咁大架
d膏同隻蝦的比例黎講唔算多，但一樣好甘香的，加上肉質非常鮮甜，個師兄烤得剛剛好唔過火，真係要贊賞一贊
我唔客氣喇嘻嘻
連d卵都咁好味架
炭燒鮮魷:食得出魷魚既鮮，加上醬汁很野味，送酒一流
炸通菜:雖然我第一次食炸既通菜，但唔覺得有乜特別，都係炒既好
香脈雞筋:我以為一定很韌的，但估唔到雞筋都可以咁腍的
泰式鳳爪:唔需要講什麼，因為好食到唔想去形容，簡直超水準
炸軟殼蟹:其實我對軟殼蟹麻麻地的，因為次次都食唔到蟹的真味
紫菜蛤貝湯:點解d紫菜味會咁濃架？我想蛤貝味濃些就係，但d紫菜真係幾好味既
椰皇布丁:布丁裡面係有椰皇肉架，好好味的
我們真係飽到唔想郁了，雖然有車坐，但真的又飽又滿足啊
埋單RM$285蚊，食咁多野都係這個價錢，真係平靚正啊
之後我們在北海坐渡輪過檳城
仲要係連車一齊過的，很久無試過這樣過海了
順便欣賞一下檳城的夜景
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 648662
全部攻略 1006
全部回應 275
