2010年上海世博美食6日5夜之旅day2

我們在屠房裡面有間叫狠牛的食店享用午餐，裡面出名食牛肉麵的，我們5個人點了自制酸梅湯、高麗泡菜、湯銀芽菜、滷海帶絲、肉未豇豆、狠牛湯、紅燒牛肉麵、狠牛麵、 滷肉飯、狠冰，埋單$166蚊.

價錢表

裡面既環境都唔錯的

自制酸梅湯:5個人中計埋有2個人唔喜歡飲酸梅湯的，我就一般般，但她們試完後都話好好飲，同香港果些唔同的，酸梅味好濃，但濃得黎又唔會好酸，入口好滑喉，超正

肉未豇豆:這個白肉食落有淡淡的豬味，加上同醬汁配合得好好

狠牛湯:個牛湯好濃的，無咁濃蕃茄味，好清甜的牛味

狠牛麵:這裡的招牌麵，紅蘿蔔好甜、蕃茄味好香香，成個湯都聞得到陣陣的蕃茄味，反而牛肉就普普通通

紅燒牛肉麵:這碗麵有點辣的，湯底都無之前兩款的好飲，唔知係咪加了辣後，破壞了原有的味道，很一般

高麗泡菜:這泡菜醃得非常非常好，醬夠濃夠辣，泡菜又爽口，越食越刺激

湯銀芽菜:之不過加了滷水汁及碎肉，無乜特別

滷肉飯:個飯的滷水好香，但你又唔會覺得太濃，點到即止的感覺，飯粒亦有口感

滷海帶絲:海帶好新鮮，係無加其它醬汁落去的

狠冰:這個狠冰初初對它有些期望的，但可惜d醬得面頭果些，食到一半就會覺得好淡好淡，但d豆及d醬係好味的

食飽後就出發去浦東，雖然上年十月先黎過，但今年同上年已經唔同左好多

上次就去了金茂大廈，所以今次決去環球金融中心，我們唔買票上頂層的觀光點，反而在隔離入口直接上酒店91樓歎返個下午茶

個樓底高到呢......

好精致的天花燈

之後就會見到這三位兄台，初初見到真係比它們個樣嚇親我啊

跟住就上到酒店91層的酒吧，其實這裡面係分開兩邊的，一邊最低消費要$400蚊一個人，我們當然唔會選擇啦，另一邊就可買杯飲品就可以坐底傾下計

其實我上到黎見到後，就覺得無金茂咁好，因為這邊的地方好細，窗邊的位唔多，金茂就大得多及可以360度咁行，呢度就......

我們坐底後就睇下餐牌有乜選擇先，價錢都唔算好貴既哈哈哈，我們點了玫瑰花茶、雲南滇紅茶、蕃茄汁、Cappucino咖啡、Chocolate Fudge雪糕、Tiramisu Cake，埋單$489蚊

Chocolate Fudge雪糕:雲呢拿味好香，可惜我唔喜歡

玫瑰花茶:師兄的最愛

Cappucino咖啡

蕃茄汁:蕃茄味好濃，好飲過V8hahahaaa

Tiramisu Cake:這個Cake好好味架，好幼滑

另外大家有機會上去的話，就記得去個洗手間玩下個坐廁，因為有得洗PatPat架

之後我們搭返地鐵去人民廣場站落去，因為今晚會去JW萬豪酒店食自助晚餐，同事亦會請埋上海朋友黎食的

這餐廳在38樓的，上海朋友為我們訂了近窗的位置，加上酒店現在做緊買4送1的優惠，我們當然唔會錯過啦，咁著數heehee

餐廳望出去的景觀都幾靚，特別係夜晚

烤牛肉

卷物

魚生:偷偷影的，有劍魚腩、油甘魚腩、三文魚、吞拿魚等等

虎蝦:超大隻的

長腳蟹:手快有手慢無，因為食到中段就會停止供應的

當我影影下食物的相時，突然被職員制止，他話這裡唔俾影相的，搞到我有些唔開心

劍魚腩刺身:油份都夠的，可惜每塊都食到有條筋

三文魚好肥美

油甘魚腩:油甘魚腩好新鮮，有些入口即溶的感覺，我食左好多

睇下長腳蟹幾粗幾長

長腳蟹鉗差唔多手掌咁巨型啊，蟹味夠濃又新鮮，啖啖肉超正啊

虎蝦:大大隻又厚肉多膏，肉質好彈性

碗仔翅:味道唔錯，但見唔到有翅

甜品選擇唔多，一般

雪糕選擇就好多，這兩款我最鐘意的

埋單$1541蚊

酒店餐廳望出去的夜景，條馬路好靚

食飽飽後就出發去外灘，上次外灘都封左，所以今次一定要黎睇睇，但我唔記得帶腳架去，所以影得唔多靚......

外灘有好多舊有的建築物

晚上都勁多人的

上海第一個市長"陳毅"雕像

但在對面浦東就係現代的建築物，個對比都幾強烈

上海市人民英雄紀念塔

這條外白渡橋係1909年興建的，所以之前外灘維修時，這橋係整條搬走的，等外灘維修好晒後，再整條搬回原址，所以你話這條橋係幾咁有份量的，上海灘都有出現過這條橋的

晚上這條橋係有幾種顏色燈不停轉換的，真係好靚

這個小食唔知係乜，但因為太飽了，所以無試到，今日的行程就到此為止

感謝 Dusty 提供以上內容
Dusty 的個人網誌 : www.dusty1118.mysinablog.com/