4月22日(Happy Friday)~老闆d同事攪BBQ
約左幾個family去玩~依日等老闆收工..約我一齊去
早2日問過老闆整唔整泰汁? 要就買定材料..依日整
當日問完又無反應喎? 到下午準備黎個午間小睡
突然whatsapp叫我整~oh! 即刻換衫..去買料返黎整呢
![]()
唔係人人食得辣~所以辣椒份量落少一倍
只屬輕微辣~佢地試食完話好味喎^^
![]()
因為去大埔郊區BBQ~同老闆講定..要幫我捉昆蟲
我d熟朋友就見識過..我驚昆蟲程度~真係會發癲架
所以唔想嚇親人~提左老闆1x次..記得幫我捉昆蟲 :p
郊區多蜘蛛多飛蟲~setup晒所有野~斜眼見到地下有野郁
內心已經尖叫+快速逃走~佢同事好快踩死左! 話係小強
我話唔小啦?! 手指公咁大係巨強~突然覺得老闆好細心啊
佢同事踩完踢左去櫈邊..仲見到條屍ma~老闆走去補多腳
踢左去完全睇唔到既地方(+分)~oh..之後又有蜈蚣呢(驚驚)
![]()
之前攪BBQ活動~通常我負責晒所有野+setup
依日去到呢..佢d同事真係非常十分極之團結
唔駛講! 大家會知道自己要做咩~仲要非常有效率
我做野又係要快~慢幾拍果d..我完全接受唔到囉
所以好欣賞個teamwork精神~自動自覺..分工合作(團結)
![]()
平時多數我負責燒野食~依晚有同事燒..突然感覺好hea
唔怪之得..我個fd成日話我忙來忙去無時停~我自己唔覺
依晚就真係感受到..好得閒了(後面果個真係人黎既..唔駛驚)
![]()
我都有幫少少手..負責燒海鮮
![]()
![]()
燒羊架..由另一個同事負責燒~好有心機..燒得好靚
![]()
因為我本身係慢熱既人~飲左啤酒先會快熱
好快同大家多野傾囉~同埋..唔知點解每次話題
總會有鬼故~郊區講鬼好刺激~我記得係老闆講先架(哈)
依晚玩到00:30走啦~老闆第2日要早起身有野做
返到屋企攪掂都差不多02:00~即刻瞓覺lu
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
