嘩!咁快又一個月….會唔會太快呀?下個月就一歲喇,還未來得及同大家分享今年我生日的a day with me,就想寫左仔仔11months的成長記錄先,莫講話其他試用文啦,真係再次排到2098都寫唔完…..目標今個月有時間去安排一輯family photos / cake smash 相,仲想剪條0-12months jenb的片,就算唔駛湊仔….俾一個星期我不眠不休都唔夠…..。美好的五月有你,真好。
加上我又去進修整頭同埋安排試妝呢,都未計要做埋公司的admin野同執相,schedule其實無乜外出活動,但湊仔係佔了我的生活99%…haha,唯有返多啲大埔等婆婆幫我頂下,不過次次來回GOGOVAN都唔係辦法,等佢大個少少希望可以搭巴士+港鐵返大埔,唔駛每個月搭幾千蚊GOGOVAN/TAXI。(暫時唔會考慮買私家車呀,一黎我無牌,二黎無位泊XD)
要放棄工作並不容易,但能見證成長實在難能可貴,很多人覺得全職媽媽好偉大,其實我覺得在職媽媽更偉大,因為我明白如非必要天下世邊有父母捨得錯過成長路上的陪伴,間中我都會萌生:「好想幫人化返妝」的念頭,不過我沒有後悔過。(頂多都係後悔唔痴住婆婆 lol)
大部份成長記錄的相我都係用返facebook page曾post的相片,全都是精選中的精選。傳說中必買的Sophie牙膠!好似三個月時我就買左,初初唔識加唔肯咬、長頸鹿啲角又成日刮到佢……諗住浪費錢收埋封塵兼打算勸大家唔駛買,原來而家先係牙痕的開始,平時零流口水加零放手指入口的jenb估計因為陸續出牙而間中不自覺放晒左右兩隻食指入口, 即拎返Sophie出黎果然岩用!made in China我真係唔想佢放入口,咁買made in france 就無錯架喇…我一田買好似$239咁上下,呢款叫So’Pure Sophie Giraffe Teething Ring,yum!
假喊真係好假,真的假不了,自己食晒條蕉又假喊,餵得太慢又假喊。
你睇佢企到起身個樣同個post勁咁得戚。
第二次全家出動去event,是堅真實用家的pampers,稍後詳文再分享。
第一次同朋友去打羽毛球,帶埋佢去體育館。
第一次試乳酪,勁like。
第一次挑戰單拖去勁遠的方地方,好在機鐵快靚正。媽媽咪咪嘉年華2016
收到新玩具最開心。
記錄一下十一個月的狀況方便自己日後睇返:
(這些point開始有點難寫,因為實在日日新鮮太多新動作….真係要機不離手隨時拍低!)
下個月一歲仔生日嚕~唔知到時識行未呢?初步預計會在clubhosue攪個小小小型party^_^我淨係訂左啲汽球咋,其他乜都未諗……
18 total views, 18 views today
=========================
感謝 小知 提供以上資料
小知的網誌: http://siuchi.hk/
=========================