剛剛翻看舊記錄才知道轉domin後每篇blog文的記錄因早兩星期轉backup server全部消失了，看到每篇文章的view再次變為0，心中難免有點失落…人氣最高的血淚生仔篇過萬的view也只能永遠留在心中，又由零開始….一年一度的文字版A DAY WITH ME 再出現在我的生日^_^今年理性的人請唔到假陪我過生日，咁佢就提早一日放工買個蛋糕返黎同我切嚕。
雖然係無驚喜的東海堂，連生日牌都無問人拎….不過佢知我其實都係為左影張相，哈哈～所以就算係切餅我都無所謂，我不能否認為了影這個合照，我的確是有私心著間條的…….為求拍攝效果更為真實，結果細王生都試左人生第一口綠茶蛋糕。連埋工人姐姐同家姐，一個蛋糕四個人分真係飽到喊……生日歌都無唱worrrrrrrr！（記仇的人～）
生日梗係要去海洋公園啦！不過今年仔仔仲細，又唔捨得掉低佢，約定出年一齊去啦：)正日朝早帶埋仔搭GOGOVAN返大埔同爸媽及兒時好友佢地一家三口飲茶，為免被點相，朋友的樣子還是不公開嚕。
再放自己半天假去salon boku 搵Daniel染一個髮，為紀念仍然是二字頭的生日，即使我的髮質係幼到爆又唔夠厚，我都鼓起勇氣又剪多次蔭，對上一次可能已經係三年前~好開心因為又有蛋糕切，竟然又係東海堂XD今次係紫薯，好好味！
青衣 > 大埔 > 上環 > 大埔，最後一站係大埔，跟好朋友食一個so thai so good，好味！呢間野平時夜少少已經要排晒隊，但我真係幾中意食，青衣城都有分店架！跟住就返大埔湊仔返青衣了～雖然上環有點遠，但可以抽空去扮一個靚實在滿足。
平時都收到不少品牌試用，無諗過前兩日收到的品牌生日禮物竟然是化妝師們的最愛M.A.C，還是有說不出的幸福，感激，謝謝^_^
還有好朋友的生日禮物：育兒書、candle、bb用品及sonnyangel都一一照單全收，正如我在facebook上講：其實我有仔真係萬事足ga喇，只願一家平安、大家都身體健康、愛我的人繼續愛我，世界和平～Happy Birthday，保持心境年輕！xxxx
8 total views, 8 views today
=========================
感謝 小知 提供以上資料
小知的網誌: http://siuchi.hk/
=========================
