香茅咖哩葉炒蝦 & 麵包蟹(兩食)

5月5日(星期四)~2日唔駛煮飯..感覺好似好耐無煮咁

依日心情都幾好! 問問老闆想食咩? 佢話想食小炒喎

OK! 是日小炒晚餐.."香茅咖哩葉炒蝦"




3月去完KL..仲有d咖哩葉~襯仲新鮮要盡快用埋佢

食材簡單有香茅,咖哩葉,辣椒,大蝦~大蝦用蒜鹽略醃

先煎香大蝦~爆透香茅,咖哩葉,辣椒~大蝦回鑊爆炒

最後放d魚露..少少糖&甜豉油~攪掂!









唔想入街市買活蟹~所以買隻"麵包蟹"

整個一蟹兩食.."酸辣麵豉醬炒蟹"





用自家醃製酸梅+辣麵豉醬..放2隻辣椒+適量水及糖

爆香個醬汁~放蟹件炒勻..攪掂!





又酸又辣都好開胃~但忘了隻蟹本身鹹鮮

落左少少魚露~所以味道鹹左d





一蟹兩食.."xo醬蟹膏炒勝瓜"





先起晒d蟹膏~用xo醬一同炒香備用

爆香獨子蒜片..加入白菇及勝瓜炒到剛好熟

倒入蟹膏醬炒勻..攪掂! 唔駛調味..本身蟹膏帶鹹鮮

味道唔錯~蟹膏完全食到..如果炒蟹就較易散失呢

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================