今早起身在酒店食過早餐之後就出發去默迪卡(WISMA MERDEKA)購物中心的guardian*(即係香港既萬寧)買oral-B電動牙刷，呢款牙刷在這裡只賣２２９馬幣，真係好平，另外牙刷頭亦好平只賣２６．９有２支啦，另一款４１馬幣有３支，同埋裡面有間找換店的匯率比較高的，之後就去返likas square樓下果間韓國料理食午餐，我們點了鐵板豬肉、牛肉什菜鍋、什錦飯、豆腐湯、海帶湯、人參雞湯、炒粉絲，埋單２００馬幣，這間店的食物不過不失啦，但個人參雞就無乜人參味啦.
之 後就固酒店準備去紅樹林，我們三點出發去到已接近黃昏，食過小點後就出發，我們坐著快艇去睇長鼻猴，雖然係見到，但可惜離我們比較遠，中途還加入了捉蟹活 動，就是放個籠落河到等佢行入去，之後回程時先再收回個籠，可惜今次係無收獲，哈哈哈，之後去食了餐豐富的自助餐，還有極品榴槤，呢些榴槤雖然好細粒，但 ｄ肉就好正，外面乾身唔黏手，肉味有濃濃的油香，可惜粒核大左小小，食飽之後再出發睇螢火蟲，見到成棵榭都係螢火蟲真係好靚，好似棵聖誕樹咁，閃閃下好靚 呀，加上天上的星星又夠多所以好靚，好浪漫呀.
這晚的消夜係旅行社介紹的，店名叫The Place， 本身係一間２０小時既酒吧，只是係早上六點至十點係休息的，店裡氣氛好好，裝潢亦唔錯，而這間店所提供的菜式好多，分別有西餐、菲律賓菜、馬來西亞菜，足 足超過５０款美食，樣樣都只係十零二十馬幣，非常經濟實惠，我們點了芝士肉醬意大利粉、炒粉絲、炒油麵、牛骨湯、炒羊豆、公司三文治、黃油雞、檸檬雞、招 牌炸牛奶魚、香辣牛肉、還有芒果奶昔，超級好 飲又平又抵食，埋單都只係二百幾馬幣，先講下個芝士肉醬意大利粉好白芝士味，如果喜歡食芝士的話一定好鍾意呀，個牛骨湯ｄ肉炆得好淋好入味，個湯亦係一 絕，真係飲完再飲，所以我們點左兩轉，黃酒雞亦好香的，公司三文治亦係必食既，招牌炸牛奶魚亦係超級推介，必食之選，條魚無乜骨就算有骨都可以食埋呀，因 為真係炸得好脆，好香口，食飽之後就回酒店休息啦。
感謝 Dusty 提供以上內容
Dusty 的個人網誌 : www.dusty1118.mysinablog.com/
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 624600
全部攻略 1006
全部回應 275
