探險家攻略 > 城中探秘 > 特色景點 / 商場展覽 > 【親子好去處】灣仔香港動漫海濱樂園 @金紫荊廣場 ani-com park@harbour fun

7 【親子好去處】灣仔香港動漫海濱樂園 @金紫荊廣場 ani-com park@harbour fun

由 kimfamilytravel 於 2016-05-17 15:13:41 發表 | 累積瀏覽 4105

分類：特色景點商場展覽；地區：灣仔

攻略日期：2016-05-08

本土動漫創作30個角色任你影! 等小朋友唔好以為呢個世界上得Mickey Mouse!

認識吓老爸老媽細路仔嗰時既卡通人物

我哋由腦場行上天橋直到會展!

今日天氣好熱, 我哋穿過會展行到金紫荊廣場, 今日雖然係星期日, 但係都好少人

見到金紫荊即刻同哥哥講, 課本有介紹過呢個地方(我哋好老土咁都同金紫荊影咗張相)

整個海旁擺放咗30個唔同卡通人物! 老至我呀媽嗰代, 新至近期先興起既角色!

1.步驚雲; 2. 王小虎; 3. 牛仔; 4. 老夫子; 5. 13點; 6. 華英雄; 7. 咳神; 8. 陳浩南; 9. 李小龍; 10. 壽星仔; 11. 陳洛軍; 12. 森巴; 13. 白熊和男孩; 14. 海虎; 15. 雪晴; 16. 老少女; 17. 聾貓; 18. 燎原火; 19. 馬仔; 20. 郭靖; 21. 荊裂; 22. 阿狗; 23. 癲噹; 24. 哨牙珍; 25. 南宮問天; 26. 許樂; 27. 特務K; 28. 龍神; 29. 丁丁企鵝; 30. Q小子

有幾多個你真係識?

每次去到D地方要去收郵或要儲齊的話, 哥哥都特別興奮, 因為佢份人都幾好勝, 有挑戰就要去完成佢! 所以佢一見到有卡通人物就即刻叫住我去影相

以下每一個角色合照都係佢哋自己諗動作擺Pose

以前我覺得呢D活動都冇咩意義, 影張相就閃...但係其實唔同既場景, 都可以俾到小朋友發揮自己既創意, 代入場景同動漫角色互動!

(當中荊「裂未」推出, 「雪晴」, 「森巴」及「白熊和男孩」都被圍欄封咗!)

Photo by CANON 5D Mark III, Len | EF 24-70mm f2.8L USM

呀劍評分: 7分

呀劍評語: 行開行埋去散個步同動漫人物影相都不錯...(如果天氣冇咁熱會好D囉)

香港動漫海濱樂園 簡介

在維多利亞港前，跟香港經典動漫角色玩自拍，就算您不是動漫迷也會大呼過癮！ 2016年4月開幕的香港動漫海濱樂園，坐落於金紫荊廣場旁邊，以自拍為主題。樂園展出了30個本地原創動漫角色的塑像，(包括老夫子、步驚雲、王小虎、丁丁企鵝及聾貓等)，還有多個充滿地道特色的香港動漫場景。您可以隨時變身動漫中的一角，與有趣角色「打麻將」，或是坐上香港獨有的叮叮電車，體驗港式「擦鞋」及「跳飛機」遊戲等，當然少不了跟這些動漫角色合照、「打卡」留念啦！想繼續探索香港動漫文化？您還可以前往同樣位於灣仔的「動漫基地」參觀。「動漫基地」的地址為灣仔茂蘿街7號。

地址

香港島灣仔金紫荊廣場旁邊的海濱長廊及休憩用地

開放時間

24小時開放(免費參觀)

交通

從港鐵灣仔站A5出口，沿柯布連道人行天橋，經入境事務大樓及中環廣場走至會展廣場，然後右轉往鷹君中心方向走，在第一道樓梯下橋後，沿菲林明道及博覽道東前往。

網頁

www.anicompark.hk

電話

2788-5968 ( 10:00 -18:00 )

電郵

yoyokwan@hkpc.org