2009年沙巴17天不一樣的勁食勁歎之旅-day8(PART3)

之後去左巨人超級市場行街，途中有間叫楊坤英蔬果店，就在中興超市隔離，裡面有種叫新鮮芒果乳酪的飲品，超濃芒果味同很滑，大家如果經過一定要試試.

再去雙天食晚飯，我們七個人點了１，７ｋｇ重的石頭魚，雙天職員話呢條石頭魚係從賣呢種魚黎講見到最大條的，清蒸石頭魚、八隻白灼瀨尿蝦、八隻豉油老虎蝦、海南雞一隻、豉椒聖子蜆、大蘿白蜆湯、八個海皇魚翅羹，每個都有足５０克魚翅，水蟹粥、蒜蓉炒通菜，埋單９７４馬幣，首先講下個石頭魚，咁大條都蒸得咁好，啖啖肉又冇細骨，好鮮甜同ｄ肉好厚好彈牙, 至於呢種瀨尿蝦呼籲大家唔好買黎食，雖然睇落好大隻但係就好似水蟹咁無咩肉架，同埋d肉係霉的，海南雞係好大隻架，但依然好滑有雞味，豉油老虎蝦好彈牙，海皇魚翅羹個湯好濃加上d翅又彈牙，抵食，水蟹粥反而一般，食完就回酒店休息喇。

 感謝 Dusty 提供以上內容
Dusty 的個人網誌 : www.dusty1118.mysinablog.com/