19-1-2016：曉出國之檳城假期&吉隆坡婚禮day 2(part 3)．邱氏參觀檳城邱公祠龍山堂

上一篇blog一推出，我哋嘅史官家姐即刻whatsapp同我講，喂，我哋係去完龍山堂先至食lunch㗎～oops，sorry～因為今次個旅行太多相機影相，爹爹嘅手機、爹爹嘅相機、家姐嘅手機，day嘅手機，我嘅相機，全部mix埋一齊，而且大概除嘅史官由始至終都有影相之外，大家影嘅都唔係史實嘅全部，我當時就顧住隻曉，我都有啲糊塗了，anyway，時序都唔係最重要嘅，希望啲印象深刻嘅片段係相隔四個月之後(今日打blog時已經係五月中)仲可以記低落嚟啦～

之前姓氏橋嗰篇blog講過，檳城好多華人，而每個宗族嘅華人都有自己嘅祠堂，邱氏似乎係檳城都好繁盛呢，佢哋嘅「邱公司」(我相信應該係讀作邱公祠)係當中變成旅遊景點了，因為最大、最靚、keep得又好吧～既然我哋一行七人之中有邱氏，就一齊去參觀吧～

最後建設遺留到今日嘅邱公祠命名做龍山堂，個牌匾都好金碧輝煌﹗

嚟一張大合照先﹗我雖然自命「自拍王」，不過我主攻嘅唔係「手屋自拍」，係影出嚟唔似自拍嘅「定時自拍」，所以呢張嘛，有少少濛，好在影出嚟塊面唔算太闊～

年紀最細嗰位邱氏一直都係夢中參觀呢～

索性唔好理佢了，等我哋(扮)二人世界先～

屋頂上好多好detail嘅裝飾，我同家姐研究過，究竟用iphone6影得好啲定係我部傻瓜單反好啲，就咁zoom好似真係iphone6影得大少少，好在我部傻瓜單反都冇輸，影完可以再放大嘛，呢張係邊部機嘅作品？我都唔記得了～

每道門上面都有好多造工精細嘅雕刻裝飾呢～

呢兩幅係「漁樵耕讀」，我作為金庸迷嘛，腦海即刻閃出射鵰英雄傳嘅一幕幕～

邱氏人材輩出﹗唔係將軍呀狀元呀呢啲咁耐以前嘅事，而係甚麼大學甚麼科系畢業嗰啲呀，似乎檳城邱氏嘅子孫遍佈全球，而且各行各業嘅人材都有呢～

龍山堂有室內展覽嘅部份，好似博物館咁～我比較好奇嘅係，我哋嘅「邱」同埋佢哋嘅「邱」其實有冇關係？幾多代之前係同一個太太太太爺？(註：係day同曉個邱，我個邱係跟住day先有嘅啫，咁算唔算真正嘅邱氏？我作為胡氏嘅歸屬感強啲囉～)

龍山堂嘅範圍好大㗎，除咗我哋身處嘅祠堂之外，周邊有好多建築物都係邱氏居住同活動嘅範圍吧？

舊時代檳城邱氏嘅生活日常～

 

我哋一見呢個迷你戲台，即刻衝過去「欣賞」﹗﹗好精彩？umum⋯其實太熱太累了，要坐坐、充一充電先可以繼續行程丫～

下一站我哋應該係去食lunch了，因為我搞錯時序，麻煩大家click番去上一篇blog食多一次啦﹗個海南雞飯食多一次應該都ok嘅～:p

待續

前往其他馬來西亞旅遊blog

分享此文：

• Twitter
• Facebook

請按讚：

喜歡 載入中...

Comments

comments

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================