西貢馬會渡假屋(PART2)

今日原班人馬再次去西貢馬會渡假屋玩返2日1夜，今次租的係F室，基本間隔同上次一樣，但個天台就細過上次A座的， 今日睇到個天好暗真的有些擔心，同樣在旺角集合買了些燒烤食物，就直接去入西貢，在碼頭的艇仔買了蝦、麵包蟹、新鮮八爪魚、瀨尿蝦，去到渡假屋後就馬上準 備好d食物，八爪魚就用白灼方式，然後再用冰鎮一段時間，切粒再配合wasabi同日本豉油食起來爽口又新鮮，麵包蟹就用車打芝士焗、雖然無乜肉但蟹味鮮 甜，瀨尿蝦就用椒鹽方式、可能瀨尿蝦不是很大隻，所以d肉都收縮得幾厲害，蝦就用蒜蓉開邊蒸方式，d蝦真係好新鮮的，所以食起黎很鮮甜，花蟹就用花雕蛋白蒸，真是一絕.

今次的食物都有些改變，百佳賣的巴西新鮮牛扒勁唔掂好鬼鞋，特別一讚老婆買的牛舌黎燒，食到個個都話要再黎一客，加上出奇地無落過雨，但又涼涼地真是很幸運啊。

 感謝 Dusty 提供以上內容
Dusty 的個人網誌 : www.dusty1118.mysinablog.com/