探險家攻略 > 城中探秘 / 旅遊 > 特色景點 / 長線旅遊 > 白川鄉。大雪中的童話世界 Day6

白川鄉。大雪中的童話世界 Day6

由平凡人於 2016-05-20 20:00:00 發表 | 累積瀏覽 435

分類：長線旅遊特色景點；地區：其他

< 日本中部﹑關西﹑中國15天遊 >

第六天（續）

白川鄉--今次日本旅行因佢而來，一早已經比佢美景深深吸引，我亦都已經見過白川鄉美麗雪景；難得咁遠飛到黎日本，坐左咁多個鐘車黎到北陸，當然要多啲時間感受白川鄉美景，所以一早計劃去多一日白川鄉，希望見到白川鄉唔同風景

由高山去白川鄉既巴士有啲可以book，有啲無得book要去排隊上車，咁岩我計劃搭個班係無得預約座位，所以要預早小小去排隊上車；去到一睇，大獲！好多人已經排緊，仲排到出巴士站，照睇就一定上唔到車架啦，但都要排左先



地下識噴水？防結冰？

巴士係開車時間前黎到，當然上唔到車啦...好彩巴士走左之後又黎多左部車，岩岩好迫得上

真係岩岩好咋，已經要坐係車尾，不過上到已經好好啦；係我身後仲有好多人上唔到車，唔知仲有無第三部車接佢地呢？

又到開餐時間，今次食呢個「赤飯」

搭巴士時個人特別眼訓，眨下眼就去到冰天雪地既白川鄉啦


落車去遊客中心放低個喼（今次比佢當係大喼收費￥600），搞掂之後即刻衝出黎呢個冰雪世界

今日比起早兩日多左好多雪，雪景靚左好多好多，直頭超出預期，估唔到終於見到呢個充滿雪既白川鄉！一路落住雪，望出去好似有一層白色仙氣一樣



同之前好唔同，之前係可以見到黑色橋同綠色樹，而家就一片白色，我咁鐘意雪緊係覺得而家靚好多



雪又大粒又密，就咁影都可以影到出黎；感覺啲雪仲輕過綿花，睇住佢慢慢係天空飄落黎，好夢幻；我全身都防水就算幾大雪都唔怕，唯一弱點就係部相機，成日都比雪搞到濕晒，要不停沫



今次過橋要小心好多，橋面結左冰而且又斜，想心急行快啲都唔得


過完橋望返轉頭，好多人塞晒係橋上面



過左橋就有好多屋仔係眼前，所有屋頂都有一層厚厚既雪



車頂一樣積左好多雪

屋加上小小水，感覺特別靚



過左河大部份人都會向左邊方向行去，上次我就行左去左邊，今次轉向右邊行



呢邊只有好少遊人，不過都一樣有好多好靚既合掌屋，如果鐘意影相既話呢面更加正，人都唔多個可以點影都得



佢都有得出黎玩，仲玩到成身雪，今日啲雪又多又厚又軟，好好玩架


有好多合掌屋丫；係大雪之下睇合掌屋更加童畫



人睇佢地黎玩得好開心

除左傳統合掌屋之外仲有其他新啲既屋，係白雪化妝之下所有野都變得好靚



返轉頭lu，見到摌雪車不停咁來回摌雪



雪下面好似有啲野咁bor？

原來係佢，鴨仔終於有機會出場啦


睇下鴨仔係雪上面幾得意

返到黎合掌屋聚集既中心地方，遊人都多返好多



置身其中行到去邊都可以見到合掌屋美景



啲雪圓圓地好似個波咁

好多好多合掌屋



白川鄉年年都大雪，合掌屋係冬天之前就做好準備，係屋四圍用蓆圍住，防止啲雪積到入屋



就咁睇白川鄉好似好凍，其實都唔算好凍，最少我對手就算冇戴手套都個係熱既，哈哈



每行一步都係靚景，每個角度都有合掌屋，更加有夢寐以求既雪景，今次北陸白川鄉旅程可以話係超額完成；對住一個咁靚風景都唔知點形容，去到就會明白有幾靚



上山條路今日唔比行，都岩既條路結晒冰就咁行一定變滑梯


行返出大路搵下有冇野食，唔想餓親朋友



今日唔可以行上山，要上山就只可以坐巴士，唔少人排緊隊；我諗今日上到山都冇咩好睇，咁大霧氣又係白茫茫一片，咁就唔上啦留多啲時間係下面行下仲好

大雪既時候真係好大雪，拎部電話出黎拍片就影得好清楚；今日最正既係大雪得黎但就冇風，如果有風就大獲會變成大風雪，哈哈



好多餐廳今日冇開門，好彩咁岩見到間仲有兩個位，遲小小入佢都關門



野食冇因為旅遊區而貴好多，都係正常價錢

Hello

今次日本旅程未食過蕎麥麵，呢道有得食就食下啦

朋友食烏冬，之後我會成日食，哈哈

食完野出黎好好天，雪都冇落lu

呢個時間視野清左好多，即刻又影下啲合掌屋先，同頭先係兩種唔同感覺



如果而家上山睇風景一定好靚，不過頭先用左時間去食野應該就唔太夠上去，唯有放棄啦...好彩早幾日已經上過

黎左白川鄉兩次都只係係出面睇冇入過合掌屋，而家係時候要入去啦；呢道有好多合掌屋都可以入去參觀，我揀左呢間比較出名既「和田家」；和田家係白川鄉之中算係比較大既一間，入面可以睇到傳統合掌屋間格，未睇過都值得睇睇



一入黎就感受到好傳統既日本氣息



係出面睇唔多覺，入到黎先知合掌屋係好大間

和田家有四層，可以上上面參觀

上層展出一啲以前用既農耕用品



打開窗睇睇，出面又變返落大雪仲吹晒入黎，洗唔洗變得咁快丫


上面仲有一層

參觀完出返去lu，呢個時間都差唔多要去搭車啦


返出大街向巴士站方向返去



行過橋就係巴士站



黎左半日，係時候要同合掌屋講byebye

今日白川鄉冇上次咁多人，行得舒服好多，唔知係唔係因為黎左好多個泰國旅行團呢，成個白川鄉都有好多泰國人，香港人反而少好多

白川鄉之行係雪中完成，出發前仲擔心今次睇唔到白川鄉靚雪景，而家咩擔心都冇晒啦；白川鄉係一個超級靚既童畫世界，好好彩揀左一個最好既時間黎到，交織成一個最正既白川鄉之旅！

鐘意SeeWide的分享，給我們一個Like吧！

檢舉

攻略日期：N/A

攻略地點：其他
攻略時間：N/A

是次消費：N/A

共0人比"掂"

EEChan 於2016-05-20 20:46:38 留言
嘩真係好靚喎，真正的雪鄕。
舉報回覆
No.1

1874飛飛於2016-05-20 23:03:44 留言
好靚的雪景!赤飯係咪紅豆飯?
舉報回覆
No.2

平凡人於2016-05-21 07:45:40 留言
原文由 EEChan 於 2016-05-20 20:46:38 發表
嘩真係好靚喎，真正的雪鄕。

雪又多又靚
舉報回覆
No.3

平凡人於2016-05-21 07:48:27 留言
原文由 1874飛飛於 2016-05-20 23:03:44 發表
好靚的雪景!赤飯係咪紅豆飯?

係紅豆黎架，不過飯多紅豆少，哈哈
舉報回覆
No.4

林公子於2016-05-22 04:30:46 留言
咁先係白川鄉,沒有雪,那叫白~
舉報回覆
No.5

mrsakwok 於2016-05-22 12:36:46 留言
哈哈！你好幸運，咁大雪而唔凍係最好嘅！
又影到最白嘅白川鄉^^
和田家D相你冇上載還是show唔到呢？
舉報回覆
No.6

平凡人於2016-06-04 10:38:46 留言
原文由林公子於 2016-05-22 04:30:46 發表
咁先係白川鄉,沒有雪,那叫白~

係bor，真正白色既川鄉，哈哈
舉報回覆
No.7

平凡人於2016-06-04 10:40:26 留言
原文由 mrsakwok 於 2016-05-22 12:36:46 發表
哈哈！你好幸運，咁大雪而唔凍係最好嘅！
又影到最白嘅白川鄉^^
和田家D相你冇上載還是show唔到呢？

可以見到白川鄉最期待既一面，今次旅程好完美和田家有相架，不過影左唔多
舉報回覆
No.8