去美洲旅行，撇除高昂的旅費，最大考慮因素必定是長途機程。唔計算要Show hand辛苦累積的年假，重要被困於機倉裡十幾廿小時，真係密室恐懼症唔發作都動靜脈閉塞。話雖如此，但一落機呼吸到加拿大多倫多既空氣時，旅行興奮模式立馬重啟。
話說是次到加拿大 Canada 的主要目的是參加表姐婚禮，所以沒有放太多旅遊點於行程當中，整個多倫多Toronto 5日4夜的旅程中，只遊覽了3 – 4 個景點而已。
雖然我剛考獲車牌不久，未夠一年無法申請國際車牌於加國租車自駕遊，但當地擁有車子既親戚都唔會揸車落Down Town，因為這邊堵車情況不下於香港，所以我們選擇了乘搭地鐵/ 捷運 到市中心。
由於我們是一家一行十幾人去參加婚宴，所以住宿方便就選擇左係airbnb 租住大屋，大屋位於 North York ，聽聞是比較有名的住宅區，距離最近的鐵路站太約 10-15 分鐘車程。
最近我們的鐵路站是 Don Mills ，而Down Town 位於 Union Station，車程大約40-50分鐘左右。
成人車票不論車程長短一律 CAD3，所以售票機都比較簡單，只有將CAD3兌換成 1個代幣Token，入閘只需比個 Token 閘口職員便可
大部分歐洲美洲既鐵路列車都大同小異
呢張拍攝時間係平日既非繁忙時間，列車人唔算多，但下班時間人就開始會擠迫，可幸是人流未至於跟香港相比
地標 – 加拿大國家電視塔CN Tower (CN 妹好似stand for Canadian National)
CN Tower 塔高553.33米，曾經是全球最高的建築物，見證加拿大的建築業的發展，但由於時間有限，我們只作遠觀，未能上去塔頂鳥瞰 Down town 的景色
Down Town 除左設計新穎既高樓商廈，還共存了充滿歷史的建築物，新舊交錯既感覺真不錯
原本計劃既一個重點係參觀NBA多倫多速龍 Toronto Raptors 及 NHL多倫多楓葉 Toronto Maple Leafs 埋主場館加拿大航空中心 Air Canada Center，但由於新郎哥忙於準備，所以無緣慳一面，有D遺憾。
雖然都經過 Spirit of Hockey Retail Store，但始終冰上曲棍球唔係我興趣，所以經過就算數。
係Spirit of Hockey 旁既就有Hockey Hall of Fame 冰球名人堂及博物館
帶點歐洲色彩既Front Street East
Art is everywhere
多倫多一般住宅都是平房，只有較新既區同Down Town 先會見到高樓大廈
St. Lawrence Market 與 Kensington Market 被喻為多倫多2個主要市場。當中St. Lawrence Market 於2012 年更被國家地理 National Geographic 選為世界最佳食品市場。
唔知係唔係上左年紀，現在比較喜歡逛呢類市場多過商場，因為呢度搵既食物同精品先會係最地度，最新鮮
新鮮既肉類，見到都流口水
色彩繽紛既水果，呢張主要目的係試相機色準，哈哈
外國都幾多醃菜賣，不過我未試過一款合我口味的，一般都係勁咸或者勁酸
The Distillery District 是一個當地既歷史建築，其中 The Gooderham and Worts Distillery 代表了北美維多利亞式 Victorian 的工業建築風格。
當年，The Gooderham and Worts Distillery 在當地及整個國家中的發展中，扮演著一個非常重要的角色。
現在，不同餐廳，時裝及時尚家品店已經進駐，為懷舊的建築帶來新的血脈
內裡的都是自家小店為主，每間小店都有各自的特色精品
發現聖堂，但教堂沒有開放參觀
當地有軌電車，以2卡連接行駛
上述地方都可以步行到達(以鐵路站為起點) ，以少訐走馬看花的情況計算，全個行程用左4 小時左右。
想知道更多美加旅遊點?
咁就要留意下一篇文章喇~
加拿大 – 尼加拉瀑布 Niagara Falls
==================================
感謝 捌拾後-DY 提供以上資料
捌拾後-DY的網誌: http://durandyue.com/
==================================
