感情豐富的小讀者

果日我同小齊喺屋企, 
我執屋佢自己搵嘢玩,
突然間佢走埋嚟眼紅紅仲流眼淚...
咩事??!!




原來佢搵左本書睇
係圖書館借返嚟嘅-- “爺爺的幸福咒語”
佢睇到最後爺爺死左就悲從中來...



原來小齊同我一樣都咁感情豐富~
我睇戲睇劇睇書都成日睇到喊, 
睇書都仲好啲, 最多唔睇住.
睇劇就慘啦,
又要喊又要睇, 喊到豬頭咁~
有時第2日對眼都仲係腫咖陰功!



小齊睇呢本書特別有感覺
因為佢係公公婆婆湊大, 
一講呢啲祖孫感情嘅書佢咪有感觸囉~
之前睇書多數係我讀佢聽
同祖孫感情有關嘅都有, 
但佢都冇喊咖









可能因為今次佢自己睇, 
情緒隨佢自己閱讀而改變, 唔駛經我轉述, 
直接受到感動?!
都可能係! 睇書好入迷時真係會隨著情節走, 
所謂閱讀嘅樂趣正在於此!
我本來唔信有人會睇書睇到笑出聲, 最多會心微笑啫, 直到我睇鹿鼎記! 哈哈~
如果小齊能夠喺閱讀之中受到感動, 
從而愛上閱讀咁就太好啦！
而家我諗佢只係偶爾閱讀, 唔會太入迷,
始終未遇到(程度亦未容許)好有追看性嘅書吧！
我自己都係中學時遇上金庸小說先愛上閱讀,
現在睇下小齊會遇上咩作者激發佢興趣, 慢慢發掘吧～



最後點? 咪好似書中咁~
媽媽攬攬安慰安慰囉~

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================