今年真係有點遲, 搞到成五月尾先黎開季.
呢期有點黑仔, 本來的外潛被臨時取消了, 亦即我差唔多半年冇潛過水啦 !
我真係餓水餓左好耐囉 ~~
第一潛來到燕子岩, 呢度係睇咩 ?! 英泥沉船哦 !
本季第一潛, 没有落到太深, 只去到 12 米左右, 就在英泥堆中尋寶 !
是日水溫 24 度, 還可以的溫度, 玩足 65 分鐘就會開始有點凍.
無啦啦有呢群珊瑚, 估下會搵到咩 ?!
咪唔同顏色的寶貝螺囉 ~
呢堆海兔應該係同一品種, 搵到一隻之後, 我就係咁見到其他, 我諗呢度有過十隻架啦 !
呢隻野一 pat pat 咁, 又半透明, 好難影得中.
呢一潛都冇乜其他野搵到, 就係洞入邊搵到條好得意的魚囉 ~
上水立即去舺舨, 晒番暖個人先, 再食埋燒雞翼, 咁就可以落第二支.
第二潛尖洲, 呢潛就仲淺, 最深 6 m, 又玩左成粒鐘.
一落去就見到橙兔兔, 而且又係搵下搵下又搵左好多隻出黎, 遇上了很多獨行俠.
也看到一雙一對的, 連正在生蛋的也見到哦 !
尖洲水質幾清, 能見度不錯, 而且很多小魚群 !
我第一回遇上呢種兔兔呀, 好靚仔呀 ~~~
呢期多左好多魚哦 ~~
潛完第二支, 我尋日跑完 10 公里的攰, 全都發晒出黎啦 !
見好就收, 唔好勉強了, 我都係換番衫訓下覺好了 …
結果就咁樣曬一曬 …. 我真係燒燶左自己呀 ~~~
好有趣, 出左海就鬼咁好天, 一回到西貢卻又天陰陰咁, 我地都算好好彩架啦 !!
潛季起動, 期後下下星期的行程 ~
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
