第 5 日先算正式開始o係四國o既行程
我之前都冇乜點睇四國有咩玩咖,
所以只係去d最大路o既景點
其中一個o係高松比較出名o既就係栗林公園
特別名勝 栗林公園
今日比昨日去岡山後樂園天氣好好多,
今日天氣晴朗,
呢度遊人更多
好多人o係度賞花加野餐,
我地都打算咁做~
周圍行下搵個好地方坐低食我地o既早餐!
無錯, 我地o係便利店買左食物打算o黎呢度野餐咖
嘩呢度好多鴿~
小齊見有人餵鴿佢又話想試下
好啦~ 買包飼料比你試下啦
開頭都冇乜o野, 小齊之前o係台灣試過餵鴨仔, d鴨仔會跟食物走o黎走去,
小齊上次睇得好開心, 可能因為咁佢今次又話要餵
但佢忘記左一樣o野
喲~ o的鴿會飛撲埋o黎!
之前o的鴨唔識加嘛~ 小齊即刻驚驚~ 唔敢再餵 (其實我都驚驚地~)
仲話隻鴿啄到佢隻手損左
剩返果d比左爸爸餵, 爸爸咁大膽o既?
唔餵鴿去睇花啦~ 呢度d花都開得好靚~
都肚餓啦, 搵個樹蔭坐低食我地o既早餐啦~
好悠閒咁坐左大半個鐘, 真係舒服
食完o野去餵魚, 小齊今次唔駛驚啦, 一定撲唔到埋身
鏡頭一轉, o黎到今日另一個景點
亦都離開左高松市, 我地揸車去左香川縣
小齊咁開心因為呢個都係為佢而設o既行程
就係 NEW REOMA WORLD
PLAN左下晝先o黎玩, 3點後入場會平d,
本身收費係大人3,400 yen, 小童2,900 yen
但我地今次真係出路遇貴人, 排我地前面o既日本人買完飛之後比左呢張劵我地
話佢呢排都唔會再o黎, 益左我地! 有割引劵每人再平多500 yen!
呢個樂園冇 Disney 果d咁靚, 機動遊戲都係BB版
屋企有小朋友係10歲以下都可以o黎o既~
我地買左o既入場pass仲包埋呢個什麼 Oriental Trip,
我話趁未天黑行左呢度先, 因為據聞係睇花
Oriental 原來係咁解, 有D 縮景區o係度,
傳說中o既吳哥窟~
小齊唔知邊度拎支棍?!
丐幫幫主咁~
Oriental 果邊唔大, 行一陣同返小齊去樂園果邊,
不過小齊海盜船又唔玩, 鬼屋又唔玩...
搞到我都冇得玩~ 好似上次去UNIVERSAL STUDIO 咁~
唯有陪佢玩D 低B o野, 好似呢個小小世界feel o既熱氣球
踩車~
睇 parade 咁~
之後去左兒童遊戲室
呢個女都仲鍾意玩呢d BB仔玩意~
最後我地留到成8點先走, 我有D 擔心冇晚飯食...
事後證明我擔心係對, 因為酒店附近真係冇o野食,
得一間便利店一間超市,
我地趁超市仲未收工即刻買杯麵, 熟食果d返酒店食!!
小齊買左frozen yogurt drink!
新版喎~唔怪得要買啦
呢晚住琴平 PARK HOTEL, 周圍都比較荒蕪,
冇街行, 返酒店食杯麵後去左大浴場泡泡~
浸完好似冇咁攰, 瞓返覺好o既!
第 5日行程完~
是日靚衫: Mayoral, Snidel Girl, Miss Blumarine, Monnalisa, Calzedonia, Prada Sports
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================