月瀧天

昨晚我們一行七個人去了尖沙咀月瀧天食中日越泰放題，因為之前朋友食過話好正，所以一早訂定位去試試，這間放題係食兩小時，價錢唔同時段價錢係有分別的，這晚我們食七至九點，$198位未加一.

呢晚我們安排坐VIP檯，可能我們人數較多啦

以下係點餐紙，不過我竟然最重點的日本果張唔記得影......好灰囉

所點些沙律黎醒醒胃先

刺身沙律:日式同西式的結合，材料非常新鮮，賣相都花了些心思，味道唔洗講都知啦

蟹子沙律:大部份女子都喜歡的，我老婆話唔錯，我自已對沙律麻麻地的

青木瓜絲沙律:酸酸甜甜很開胃

根住就開始上主菜喇，真係驚喜一浪接一浪啊

什錦刺身:有三文魚、北寄貝、吞拿魚、鮑片、甜蝦、鱆紅魚、立魚、八爪魚等等，每樣刺身都好新鮮同厚切，唯一係吞拿魚質素較差的

香港人最愛食的三文魚刺身，我本身就麻麻地的，但果到咁肥美都忍唔住要試試

睇下d色澤同花紋就知係靚部位啦，以前食放題通常都好難有咁好的質素，我試後覺得油份都幾夠，在口裡邊嚼邊感受到d油香，加上咁厚切，食起上來特別滿足呢heehee

根住再點多盤，但三文魚冇之前咁肥美了，不過其它都好味

泰式玻璃蝦刺身:這個係另外加錢點的，用的係泰式汁，蝦肉好晶瑩通透，咬落爽脆，我喜歡這個泰式汁，真係唔錯

法國、澳洲生蠔:這盤生蠔都要一早俾錢預計的，朋友之前試過後覺得好正，所以話今次我地一定都要試下喎，不過我好少食咁靚的生蠔架，所以唔係好記得個名

這個好似係澳洲，係新鮮貨，即點才開殼的，所以海水味都幾濃，但都蓋唔過蠔的鮮味，好好好好味啊

呢款係法國蠔，口感會較好，帶點爽脆

鹽燒三文魚鮫:這個都係另外加錢點的，我喜歡個師父用海鹽黎燒，外面有些脆脆地，但裡面就好嫩，因為魚鮫位係特別滑、特別重油份的，我朋友果然好介紹啊

根住到串燒物

串燒美國牛肉:牛肉好腍身，最重要係肉汁香濃，絕對唔會無牛味的

串燒雞翼:雞翼外層帶脆皮，但肉質還很嫩滑，唔錯啊

串燒雞軟骨:這個更加一絕，雞軟骨唔會燒到干晒，加上一d雪味都無，用黎送酒一流啊，如果去出名些的居酒屋起碼要五十幾蚊串，但這店的質素唔會差很多囉

串粟米:粟米用了牛油黎燒，加上粟米好甜，美味呢

鹽燒魷魚鬚:一般般啦，因為之前的質素太高了

鹽燒鯖魚、燒秋刀魚:鯖魚好味得多，加上啖啖肉又無骨

燒多春魚:無試

火炙松葉蟹棒壽司、火炙煙鴨胸壽司、鰻魚壽司

火 炙松葉蟹棒壽司:老實講句，唔係我講得誇張，當我一啖咬落去時，個腦即刻有種好感動既感覺，因為好耐好耐無食過咁高質素的壽司味，我指的唔係蟹棒的質素， 首先蟹棒唔會太細件，最令我警喜既係d飯，飯粒帶點微暖、入口滑喉，很多較出名的回轉壽司店都無這店咁正，所以睇得出師父係用心去制造

火炙煙鴨胸壽司:鴨胸都唔錯的

天婦羅蝦卷、牛油果軟殼蟹卷:這些卷物都係即點即做的，所以送到面前時，蝦都重係熱辣辣架

日式海鮮火鍋:估唔到咁大鍋的，裡面的材料都唔馬虎架，唔錯

泰式酸辣鳳爪:鳳爪醃得很入味，啊錯

北越蒸粉卷:無試

椒鹽鮮魷:無試

泰式蝦膏炒豬頸肉:蝦膏味就嚐唔到囉，但都炒得幾好味

生薑炒豬頸肉:洋蔥炒得好香，豬頸肉都唔錯

日式豆腐:無試

燒豬頸肉:無試

燒金菇牛肉卷:金菇夠彈性，牛肉亦燒得剛剛好

牛油炒雜菜:無試

牛油雞翼:一般般，粉太厚

肥牛湯烏冬:不過不失

蒜片牛肉粒:這個牛肉粒比串燒的更好味，牛味更濃，肉質幼細，贊啊

胡椒咸酸菜魚湯:胡椒味蓋過魚湯味囉

馬拉盞炒通菜:唔會太過咸，我喜歡

鮑汁扣三菇:無試

白灼菜心:無試

天婦買:粉漿唔算太厚的，加上即點即炸特別好味

越南蔗蝦:炸得幾香口，我還差些被辣親個咀啊......
以下係甜品編

選擇都唔少，重要係特登請師父自制的，如果生日的話還會送蛋糕架，可惜我還差幾日先到......

芝士蛋糕最好味，因為味道很香濃呢

雪糕

我唔知食左幾多粒芝麻湯圓落肚呢？嘻嘻

啤酒任飲

價目表

後 話:首先鳴謝KK咁好既介紹，這店的食物大部份都係即點即做的，不過某些食物要等耐些，我們點咁多食物都無漏過單，同埋職員很主動很親切，我們就算埋左 單，但再要求點啤酒同蛋糕都無問題，加上食物的質素很唔錯，雖然兩小時係唔多夠，還有好多野未試，所以下次一定會再黎這裡聚餐，因為食得很滿足.

感謝 Dusty 提供以上內容
Dusty 的個人網誌 : www.dusty1118.mysinablog.com/