9 【親子好去處】銅鑼灣 維多利亞公園 鳳凰木 Delonix regia

「片片紅葉轉...」呢句歌詞應該形容秋天, 但係今年夏天可以用嚟形容全港開到周圍都係既鳳凰木!

今日飛走咗哥哥, 同芊芊兩個拍住拖去到維園睇鳳凰木

我哋由天后巴士總站那邊的維園入口進入, 離遠已經見到一大棵鳳凰木企咗喺公厠旁邊

鳳凰木個英文名真係好架勢! 叫做「Delonix regia」仲有佢仲有另一個名都好型, 叫「影樹」

真係不枉我過嚟維園欣賞一下!! 原來近銅鑼灣的維園入口那邊仲開得多! 全部集中埋在同一個位置, 離遠望過去已經見到一堆紅色樹郁郁下!

由於今日好熱, 連天文台都話今日係2016年第一日發出酷熱警告的日子, 所以芊芊行過個維園球場之後都已經熱到冇哂Mood

但係真係好靚x10!!!!!

想叫芊芊同鳳凰木影張相, 佢一路都唔肯話好熱好熱, 哈哈!!! 我都知好辛苦, 其實我都好熱

所以就去汽水機度撳咗包麥精俾佢飲! 即刻成個人開心番哂, 想影幾多都得

呢個情景就好似喺日本賞櫻花咁, 所有賓賓都坐哂喺鳳凰木樹底下

嗱嗱嗱....我冇Tune過架! 真係好靚囉~ ~

呢張後面多咗兩個攝石人....

影過先.....

可能今日嚟都未係最旺盛既日子, 如果真係棵棵都開到爆紅, 肯定靚到變世界景點

「愁 如紅葉落索的時候~」.....

雖然唔係好特別既景點, 但係正所謂去邊度食咩嘢都唔係最重要, 最重要係同邊個一齊^>^

呢一刻同芊芊兩個喺度欣賞紅葉, 看看地上的紅葉, 跟着鴿子慢慢行, 已經好滿足!

Photo by CANON 5D Mark III Len | EF 16-35mm f2.8L II USM

呀劍評分: 7分