8 食得滿足。玩得開心【尖沙咀 ♥ 樓上 cafe】Happy Land

上星期考試週，大家都忙著溫習，趁端午節假期前夕，出來食個飯抖下氣

一打開餐牌就見到段好有同感的文章 ...

在香港生活 ...

每個人都有一定的煩惱同壓力

為買樓 / 結婚 / 工作 / 家庭 / 學業 / 感情 / 健康 ...

我地開舖目的就是想提醒自己、提醒大家

與其唔開心有壓心咁生活，咁不如開心生活，積極面對

生活總有東西讓你感到甜甜的 ~

信香港一定得 ! 努力一定得 !

所以我地致力令『樂園』成為一個令大家『食得滿足，玩得開心』既聚腳點

這兒的裝潢以藍白色為主，感覺溫馨舒服

店內有很多不同款式的桌上遊戲免費供大家玩的，有大家都玩過的大富翁、層層疊 .... 

對著呢兩隻貪玩的小魔怪，當然要食飽飽先喇 !!!

一向愛食金莎的囝囝點了杯 .... 我愛金莎 

高高的沙冰和大大粒金莎 ... 賣相贏哂 !!!

唔系得個樣的，味道都不錯 ... 朱古力不會太甜

沙冰不是幼滑那種，咬落去很有口感，除了有冰粒仲有朱古力粒，冰凍又解渴

作感冒的囡囡點了杯熱的薄荷朱古力

多了份清涼感的薄荷朱古力熱飲，少了份甜膩，飲落去很舒服

早少少嚟就可以點這份咁抵食的午市住家餸餐

可惜太好賣，一早沽清 ...

炭燒虎蝦蕃茄汁扁意粉 HK$158 + $20 配一杯 $48 飲品

我們揀了杯貴少少的 薄荷朱古力，所以要比多 +$10

虎蝦新鮮彈牙，清新香濃的蕃茄醬汁，甜甜酸酸的好開胃

香煎牛柳粒飯配黑椒汁 HK$148 + $60 選配了杯 $88 的特飲『我愛金莎』

牛柳粒的粉量都不少，肉味濃又夠嫩滑，但是黑椒味不太夠 ... 可能見有小朋友唔敢咁重手 ~~

碟旁黃色和紅色用嚟劃花裝飾的是用新鮮紅菜頭和南瓜做出來的蔬菜蓉

用嚟拌飯和拌牛肉食好正的，我好鍾意紅菜頭蓉 ... 好清甜

食得滿足之後，就要玩得開心 ... 

這兒有咁多桌上遊戲，我們揀了呢款名稱好得意的配對遊戲來玩

不過，兩隻小魔怪最鍾意玩的是 ... 這兩隻貓咪

愛玩又活潑的白貓咪『多多』和肥嘟嘟嘟懶洋洋的灰貓咪『小寶』

樂園 Happy Land

香港 九龍 尖沙咀 北京道 65-69 號 環球商業大廈 2 樓 205-206 室

** 以上分享是以我的口味、喜好和情況作出分享和感受，一試 / 合用與否請自行決定