食譜。鮮淮山南瓜桃膠糖水

6月8日(星期三)~買左"桃膠"..諗住得閒煲糖水比老闆潤下

前一晚拎幾粒浸~因為要浸過夜..依早出去買埋其他材料

返到屋企..就煲個"鮮淮山南瓜桃膠糖水"(下午茶自己先品嚐)




用6粒"桃膠"浸過夜~第二朝可見發大了10倍





黑點經過浸透會甩掉~倒入隔篩..逐少取出輕手清淨就可以了





桃膠煮20-25分鐘就ok~花好少時間..好快有甜品食

材料亦可依個人喜好而定~有d會用木瓜/椰汁底等





材料有龍眼肉,南瓜,淮山,桃膠~唔係就老闆..我會加d南棗添

因為知佢唔鐘意南棗個味(我就好鐘意呢)~桃膠有豐富膠質

本身無味道~有d爽身又有d會軟綿綿(算似燕窩&雪蛤膏口感)

糖水質感似露~感覺好清潤..咀唇都有膠質感~味道好好





食譜(5小碗份量) :

1.桃膠(6粒)  2.龍眼肉(10粒)  3.南瓜(200g)  5.鮮淮山(300g)
6.清水(800ml)  7.庶片糖(1.5片)

1. 桃膠浸過夜..待發透~倒入隔篩..逐少取出輕手洗走黑點污濁物~隔水備用
2. 清水放入龍眼肉~滾起加入桃膠..慢火煮20分鐘
3. 南瓜及淮山去皮..洗淨..切粒~一同放煲內煮滾5分鐘
4. 關火加入庶片糖~焗一陣即可飲用

P.S.
1.淮山去皮時先戴上手套~以防黏液會刺激皮膚發癢
2.桃膠份量因應個人份量需要~可加多減少

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================