K3 學校生日會 (5) - 大家著畢業袍

上星期係學校生日會, 
尾二果次啦!!
下次係7月, LAST 啦~~
珍惜呀小齊!! 小學冇得開生日會咖啦 ! (安~堆~~)





吸收左上次教訓, 呢日我地飛的返學
所以一早就返到啦 
先同 Miss Ma 影相先~   


今次個DECO 好搞笑, 係同學們自己畫咖, 各有特色噃!



小齊畫果個...一貫佢畫畫o既風格
頭大身細, 呵呵呵~



令我諗起"抵死泰山"個阿珍



等埋其他同學返o黎我地今日試影畢業相~



換上畢業袍先~



頂帽唔多穩陣, 要快手影



戴左四方帽之後個樣即刻大個左!
唔係3年前個 BB 樣啦






雖然同學未返齊, 都影左幾張"自製" 班相







今年畢業籌委有安排埋訂畢業公仔, 
不過我冇買呀 , 見同學仔有就一齊影張啦~



好好 ENJOY 呢次PARTY 啦!
小齊成日都好唔開心咁話小學點解冇PARTY?!
係囉, 點解冇呢?! 到時功課又多又冇PARTY
比起o係KV 呢幾年咁開心, 落差咁大唔知佢幾時先接受到?!
呢排又突然多左人關住我篇陳年 KV 介紹文,
畢業在即我會抽時間寫篇 UPDATE VERSION 咖
當比大家參考下我地呢幾年o既KV o既生活啦! (順便當做個小小o既回顧~)




是日靚衫:

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================