HK : 日潛夜潛四支 @ 漁排

 

本星期又下水了, 仲要玩到好盡, 一日四支由日頭潛到夜晚 !

今回由黃石碼頭出發, 全日都以漁排作基地, 朋友們整理好 gear, 我地就出發作第一潛啦 ~

(是日的蚺蛇尖, 全都躲在迷濛之中 ~)

 

是日第一潛, 來到黃茅洲, 以往也來過, 這個潛點的好處是較淺水, 不過水質清唔清就睇運數.

黎呢度潛呢, 有好有唔好, 一係好多野影, 一係就悶到傻 ~

估唔到的係, 落左咁多雨, 呢日的水質都好清喎, 能見到很好 !

潛左冇耐就見到呢隻點點紫兔了 !

 

仲有呢隻紅耳兔 !

 

第一潛的其他照片 ~

 

第二潛, 都係黃芧洲 !

成個潛都係 3 – 6 米之間, 淺淺地咁都好多野玩, 仲好襟玩 !

潛左 75 分鐘, 水淺用氣少, 結果上水都仲有半支氣 ~

 

 

呢幾條 Blennies 好好玩, 八八卦卦咁伸個頭出黎, 但影佢地的我就慘了.

淺水位 – 3 米左右, 邊影邊俾個湧係咁衝黎衝去, 差 d 浪到我係好似係洗衣機中咁, 真係玩多陣都會暈船浪呀 ~

 

頂唔順, 影夠落番深水位避湧 !

結果就又見到橙橙兔, 仲一次見到幾隻, 佢縮起黎時, 成條紅蘿蔔咁的樣 ~

 

黑色, 永遠是最難影的, 仲要呢隻鬼咁細粒 ~

 

呢個貝殻之內, 全是魚卵, 但我部機唔夠勁, 影唔清有眼仔的卵哦 ~

 

又見到黃色小盒子 , 佢真係 … 停低陣都唔得, 好在呢回我有的是時間 !

要影中佢, 以我部機, 十張先勉強有 1 – 2 張相 focus 中 …

 

塔門, 我們來了 !

玩了兩潛, 竟然都搞到成 2 點幾, 人人都餓了, 快快上島開餐 ~

 

塔門出名的名菜 : 海膽炒飯 , 炸墨丸 以及 椒鹽鮮魷 !

呢間炒野好味, 炒飯夠晒乾身 ~

 

回程, 我們回到漁排小休, 等待黑夜的降臨.

同時, 我們也在等夜潛的 buddies 到來 ~

 

入黑, 我們行動開始, 黃竹角咀 !

呢度都真係 … 冇咩好影 … 魚, 很多魚, 很多很多魚 !

 

呢條叫坑鯰, 見到唔好亂掂佢, 身上有尖刺, 拮中會中毒, 據聞 HK 有傷亡個案 !

 

蟹, 有好多唔同的蟹 !

不過, 想遇到的卻見不到囉 ~

 

見到佢, 都可以玩下 ~

 

游下游下, 遇到佢真係嚇一嚇, 最怕係佢仲要間中脫出來的觸鬚, 掂左一樣會刺傷 !

只要佢轉一個彎, 我們定必退避三舍 ~

 

朋友影到今年的赤刀, 我自己就見唔到, 唯有借佢的相片 ~

 

第四潛, 夜潛赤洲 ~

一落去, 見到大小軍帽 ! 大個條真係好大條, 足足長過支電筒 !

 

 

呢隻蟹都幾有型, 有晒保護咁 ~

 

小小墨 同 巨型墨 !!!

個隻大野, 足足有一隻前臂咁長, 勁呀 !

 

呢隻兔保護色好厲害, 搞到我對左好多張都唔中, 呢張叫清架啦 !

 

是日四潛完成, 晚飯都未食, 咁梗係要開餐.

夜潛完的指定動作 … 梗係打邊爐 !!

簡簡單單咁, 但又好鬼豐富, 仲有魚穫加料, 正 !

家下寫完, 就已經好想再去玩啦 ~~~

============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/

============================================