親筆信

我唔知呢個年代仲有幾多人會親筆寫信? 
我都好多年冇動筆寫信
話晒電腦科技咁發達, email什麼仲方便啦! 
但近日為著幫阿女小一叩門我做左個大膽嘗試 -- 親筆寫叩門信! 





我自問我手字都唔會嚇人嘅, 所以睇左啲書, 又練左陣就寫囉～  鐵腿水上飄話齋: “三十年嚟嘅苦練今日終於大派用場” (哈哈～)
我諗學校年年收幾百封信, 我仲000，唯有親筆寫表下誠意！ 可能會留啲印象( 不過唔知好印象定壞印象?!) 坦白講連構思連寫一封都起碼一個鐘, 一定唔可以漁翁撒網式叩門
我練字係抄歌詞, 哈哈～ 咁啱阿女呢排愛聽周董, 就你啦～ (叩嘅係中小, 所以寫中文)



最後揀左5間嚟叩, 大家聽我講叩門唔駛太為我地擔心。 小齊冇參加大抽獎, 其實我地已有唔錯嘅back up, 之所以叩門為左3樣嘢: 1. 近啲 ; 2. 免費教育(享受福利是也~) ; 3. 搏一條龍名校
但坦白講揀左叩嘅呢5間學校冇一間有齊3項因素，一切睇天意吧！ 反正唔係間間都有得見, 已知有一間落選, 見都冇得見; 另一間1st in後byebye, 第3間面見完等結果, 平常心啦！叩唔到就要比學費囉~



我知有朋友等我post 文今年升小一分享加回顧, 我盡力啦～ 就嚟寫咖啦，不過大家唔好咁大期望, 小齊係好普通嘅小朋友，一路走來起起伏伏... 希望我地嘅經驗幫到將要迎戰嘅媽媽+小朋友！(有啲都開班分享左, 會補啲updates)

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================