【星球大戰™：入侵明日世界】柑B vs 黑武士!?

有睇開我 facebook 嘅朋友仔都應該知道我地上星期去左香港迪士尼樂園, 柑B仲接受左Jedi Training (絕地聖殿武士特訓)! 依家諗番起都好開心呀~
好多謝香港迪士尼樂園邀請, 等柑B可以參加「星球大戰™：入侵明日世界」派對!

  相信大家都有留意, 星球大戰™已經入侵左香港迪士尼明日世界!

4至12歲嘅小朋友仲可以登記參加「絕地聖殿武士特訓」~ 當日我地個 Training 時間係 7:30pm, 所以我地先喺園內慢慢玩下先~
攬下米奇~


去小小世界 ~
 

好多海底奇兵嘅精品呀!

 
去明日世界之前我幫柑B換番件 STAR WAR 衫 (佢自己簡黑武士 XD) 中途遇上左尼個很出名會講野嘅垃圾筒先生! XD

  垃圾筒先生仲邀請柑B一齊合照XDDD


重頭戲, 「絕地聖殿武士特訓」! 7:30pm 準時到達之後, 就有工作人員為小朋友換衫, 仲借出一人一把激光劍!


小朋友先按指示學習揮劍, 之後黑武士就出現啦~

 
嘩, 我台下睇都好緊張 ~ 個故事內容都幾有意義架, 不過我就唔劇透, 留番大家自己去欣賞啦!
每個小朋友都可以有機會對抗黑武士, 不過柑B實在有D 驚, 佢同工作人員表示唔想同黑武士直接交手~XDDD


雖然面對黑武士柑B決定臨陣退縮XD

  不過佢肯企上台已經非常勇敢!   事後佢同我講: 嘩, 我好驚黑武士呀! 我: 人扮架, 唔洗驚! 柑B: 咩呀! 黑武士係真架! 我: 對唔住, 我搞錯左, 黑武士係真架! (差D唔小心破壞左小朋友嘅夢想)

玩完一輪當然要去食野先~ 仲遇上白兵, 其實果日見過白兵幾次, 柑B次次都話驚唔肯行埋去, 不過接受左 Jedi Training 之後突然勇敢左, 仲自己同白兵合照tim ~


如果大家想再影多D 相, 就可以去埋「星球大戰 : 指揮站」! 可以同Chewbacca同R2-D2影相! 放上facebook 一家可以呃到好多like!


「穿梭星戰前線」柑B就玩唔到住, 不過睇介紹已經覺得好吸引!

  「飛越太空山」的極速旅程重新演繹, 讓你置身於《星球大戰》一幕幕經典戰爭場面之中, 展開一場星戰超時速之旅!   身為叛軍最驍勇善戰的機師, 你獲Ackbar上將指派前往電影《星球大戰：原力覺醒》中的主要場景 ─ 札古沙漠附近, 調查帝國軍活動。透過超空間護送, 你旋即抵達目的地, 怎料蜂擁而上的鈦戰機已準備圈套待你墮入!
正邪勢力正面交鋒, 激光槍擦身而過。火箭在漆黑的星際不斷加速、超時速迴旋、俯衝、急轉彎；革命中隊的終極攻勢, 更將戰事推上巔峰!快來這個在遙遠的銀河系, 極速穿梭激戰連場的星戰世界!
玩左咁耐, 食番個 Star War ice-cream! Yummy!

  上完training, 柑B揮劍幾有姿勢!


雖然柑B都去左幾次廸士尼, 不過今次係第一次睇埋煙花先走, 柑B睇到嘩嘩聲! 果然每次去迪士尼都有奇妙嘅體驗❤️
柑B: 媽咪, 我第一次睇煙花, 你係唔係? 我: 唔係呀, 媽咪之前有睇過~ 柑B: 點解? 點解我唔知? *口* (一臉打擊) 我: 其實媽咪老你好多架, 你果時都未出世~ XDDD
Website：http://www.hongkongdisneyland.com/
Facebook：https://www.facebook.com/disneyland.hk

============================================

感謝 宅柑愛扮靚 提供以上資料

宅柑愛扮靚的網誌: http://kimbb2012.blogspot.hk/

============================================