wah…..唔好話「睇人地個bb大得好快」，連我日日對住都覺得大得好快，每天有著微妙的小變化，而踏入九個月開始，大家口中的最好玩時期：「我覺得佢而家好得意呀….」係我最近忍唔住經常對住理性爸爸講的說話。「係呀，佢係好得意。」係由爸爸唔太理性咁答返我。
做父母的，一定覺得自己的仔女在心目中係最得意。我明，我真係明。
由最初無意識咁被搵笨我迫佢同我自拍，到而家我拎相機，同佢話：「豬子包，同媽媽影張相先啦！」佢會望，一秒咁大把，轉頭又用手指摸到我鏡頭花晒…..
全職媽媽既生活係點呢。朝早同仔仔一齊7am-11am（wah…個range好大）起身，幫佢洗臉、換返短袖衫、飲暖水同準備早餐。太早起身就會沖支奶俾佢飲、如果九點後就煲牛奶麥皮（illuma奶粉＋桂格要煮的那款麥皮，藍色包裝）；餵佢食飽就陪玩、隔一個鐘左右幫佢沖次涼、再陪玩佢就應該會訓陣；我就呢個時間做野覆email執相同食午飯（工人姐姐煮）
同佢起身，就煮飯仔俾佢食，食完都係陪玩、玩、玩、有時落街、有時落陣會所、有時單拖去公園、再返屋企沖涼，又陪玩，正路會再訓陣起身一齊食晚飯、再陪玩，飲奶，訓覺。當中包括無限次換片同飲水，仲有食1﹣2餐水果／芝士／包。基本上每天大致上都這樣，一出左街時間表就會亂左，作息時間都唔穩定，而且覺得BB出街會吸收好多野，所以一般我都唔會安排連續兩日有活動，至少隔一日。星期六、日有理性的人在家幫手，下午多數會出去食個tea、或者安排family gathering、去青衣城或荃灣行下。
因為無俾工人湊，所以其實一日的時間除了「陪伴」、還是「陪伴」； 有工人都已經幫到家務好多，起碼一起身就全屋乾乾淨淨、有人煮埋我午飯、同埋佢日日落去買餸、理性的人夜晚有淡湯飲、又有住家菜食；工人有時幫我陪玩陣，咁我去覆下urgent野、執下自己野同沖涼咁；一星期我會返1﹣2次大埔，工人可以爽皮下homesick下，我就可以放低B抖抖返公司執下手尾同寫下blog。又因為大個仔左，所以單拖可以去更遠的地方啦，一星期都至少會安排1﹣2次單拖出街見下朋友仔，同時間都開始睇下幼稚園的野，始終唔熟青衣區，零認識，自己都要study下呢區的學校環境。
生活就係咁，我無後悔過做ftm。
自己的孩子自己湊、自己的孩子自己教。
記錄一下13個月的狀況：(記得幾多寫幾多啦，實在太多新野*v*)
1,670 total views, 15 views today
=========================
感謝 小知 提供以上資料
小知的網誌: http://siuchi.hk/
=========================
