升小雜談 (下)

升小應該係寫埋呢篇就講得8899,
但有時我會諗諗下又加D, 因為人老左記憶力衰退
寫o野冇咁有條理...













接上文 (升小雜談上, 中) 講到第3篇想講D 實用野,

又(用我所知所見)解下大家疑問:


1. CERT, 校長信, 神父(修女)信有冇用?
CERT -- 籠統D講, 睇下咩CERT啦?! 如果你話考小一的話, YLE STARTERS 係基本 (MOVERS都大把人有), 冇15盾唔夾冇損失; GAPSK, KPCC 高級呢D亦大把人有, 好多人K1已經有, 你K3先有可以照夾, 但坦白講不是"亮點"。 比賽, 課外活動也是, 豬肉果D 就算啦, 寫出小朋友有參加, 貼出小朋友比賽o既相, 寫出小朋友有咩得著, 可能會好過話你就咁夾張MERIT CERT.
有好多人覺得唔夾CERT 咪冇野夾落PORTFOLIO? 咁但係PORTFOLIO 係想DRAW人ATTENTION TO 小朋友出色之處嘛, 去蕪存菁就係家長要把關的地方, 好多 CERT已經成行成市,  學校唔會覺得你有係特別, 學校唔會未見過呢D CERT! 我自己做法係, 寫有咩CERT/獎唔夾COPY(反正無乜) 但加上d註明 (係咩上過我sharing session o既媽媽會知), 我覺得已經足夠
校長信 -- 係人都有果d, 亦係無乜亮點, 況且內容係寫成點你自己睇到, 覺得夾左無壞充下頁數咪照夾。 最弊係同學果封寫到極好, 自己果封一般, 相形見絀~
神父修女信 -- 教會學校有d都幾睇呢d信, 始終唔係人有我有, 識人幾時都好過識字~








2. 抽獎策略 我自己冇抽獎當然無乜資格講D咩 只係想講4個字 -- 睇餸食飯 你有back up 咪不妨搏盡, 你無的話要審慎, 務求乙二已經係必中, 或者要有叩門o既心理準備



3.面試班有冇用? 上邊間好? 我自己冇上, 咁我地都考到學校呀, 只可以講唔係 equation, 唔係話一定要上面試班先有機會。 真心果句, 自己冇時間教出去上下無所謂, 自己有時間可以自己教, 報多幾間完成後分析下, 鼓勵下小朋友下次點樣做好D, 相信小朋友比信心佢叫佢做返自己, 你永遠唔知學校點揀人, 唔係話一定老師講咩你做咩, 玩遊戲守規矩, WAITING ROOM 一定要拎書睇唔好玩具畫畫先有機會 (呢個係我真實見聞) 有D 面試班我睇過教材其實都係教一般生活野, 你當通識比佢上下冇所謂, 但唔好將呢樣同面試成績掛勾。有D專登講到好深, 又4位加減, 乘數, 英文又串好深o既字, 打擊左小朋友信心仲衰! 考完小一之後我發現根本好多學校(就算係神校/出名學術果d都唔係考咁深), 不要盡信面試班! 有D仲收得好貴, 又專班又MOCK IN 又PRIVATE 就真係要諗清楚係咪有需要?! 我成日話有時間同小朋友去玩更實際! 至於我o係屋企點同阿女預備面試有機會再分享~









4. 叩門有咩要注意?
叩門首重心態! 如果你一路諗我抽獎一定要成功, 要叩門就慘啦~ 懷著受苦o既心態去叩門, 你風度已經輸左, 小朋友見到你個樣自然會好緊張, 佢o既表現都會打折扣~
我自己冇抽獎, 我一路都同小齊講, 我話"已經有xx, xx 收左你, 你想唔想去叩門搵間近d/免費o既??" (我之前同佢分析叩到有咩好處, 所以我地基本上係有共識地揀幾間黎叩)
如果你話你未有學校收, 你一樣可以同佢講派左果間係唔錯(點都要咁講, 減低心理壓力), 但為著XX (自己諗原因), 不如大家試下叩門? 然後因應自己派左咩去揀多/少學校黎叩
 我咪講過我揀左5間, 其中有3間我係放榜前已經交左表, 我手寫叩門信 (見前文)
所以呢個已經係我地一早講好會做, 好過你去完派位中心個樣灰晒先同佢興沖沖講衝去叩門, 大家心理壓力都會好大!
最後5間之中有4間我地有得見, 2間筆試, 2間面試, 其中1間冇影, 2間未知, 1間(面試後)比offer我地(非常好彩!), 算係我地區內一線學校, 有聯繫位上BAND1A中學 (都呼之欲出咁~)


講下點解人地會比offer我地despite 我地000 無揀過~
首先佢call我去見我已經開心, 好多學校都講明要有揀過先有機會見,
我無都有得見我歸功於KV名幼效應同埋我份PORTFOLIO見得下人~


面試會遇上任何問題, 最緊要解得通, 比人感覺真誠
我照直講我已經有back up 所以無參加統一派位, 但為左可以就近返學黎叩門一試, 當然都覺得貴校師資優良...(下刪一萬字)


學校有問我有咩offer o係手, 我亦照講, 老師反應係 "XX, YY已經係好好o既學校, 你仲會考慮我地嗎?" 我亦直講, 如果有貴校offer 一定會仔細考慮, 黎叩得門一定係有心讀









最後傾得比較多o既係我點培育阿女, 由我地玩咩興趣班, 平時睇咩書, 放假會做咩, 親子活動會做咩... 老師係先問阿女(我在外等) 再問我, 好彩我地答案一致, 老師知我地所言屬實, 呢度我覺得係最大o既加分位, 亦係我地呢幾年所謂o既"努力"。


 親子時間唔會白費, 你同小朋友做過咩, 講過咩佢會記得, 唔係話一味送佢學呢樣, 考果樣就一定有用, 老師一問傾幾句就知平時小朋友過咩日子, 從而去揀佢地想要o既學生


另外就係信自己, 唔好理學校往績係要111, 110, 011先有得見,
就算000, 都一樣可以用誠意加實力搭夠, 我有幾個朋友都係000 叩入一線名校 (其中有D係EK一路話要揀過先好叩果D), 所以唔好聽太多街外消息, 覺得做左對小朋友有益就去做, 衰極都係冇得見 (你一早都預左冇咖啦, NOTHING TO LOSE!)


最後就係上篇都講過o既"鬥長命" -- 意志力up!
一日未開學一日不放棄, 音樂椅係不停轉
對於果d你覺得係差dd 就成功o既學校, 不妨補(幾)封信以表真誠,
一定有成功o既機會咖!
篇幅有限,寫文亦未能逐一解答, 有機會再開sharing session同大家傾下~

祝大家都輕鬆過度到小學!

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================