我好似同打邊爐分唔開咁
身邊嘅朋友約出嚟食飯十次有九次都係去打邊爐
而且個個無辣不歡，一食就要食麻辣
番廣州都要繼續打
今次就同你講下呢次遇到嘅奇怪邊爐事
呢次食嘅火鍋店叫"蜀九香火鍋"
食物同一般鋪頭大同小異，令我哋目定口呆嘅係佢個醬油同湯底
一入到去記見到每個位都有一罐"液體"係度
以為係飲品之際，服務員就走過嚟教我哋調醬汁
打開拉環倒出嚟嘅竟然係麻油！
一碗麻油加蔥加豉油再加生蒜就成為呢度出名嘅醬油！
（嘩！係一碗麻油呀！會唔會太肥呀？）
當我哋個個露出詭異嘅面色，服務員即刻嚟打完場話：
"食物用麻油浸過會無咁熱氣⋯⋯"係未真㗎⋯⋯
轉個頭，火鍋湯底開始滾啦
呢個時候服務員又再一次登場
因為我哋唔係個個都食得辣，所以叫咗鴛鴦湯底
佢一手就將一包黃色嘅液體倒落個麻辣湯底度
咩嚟㗎？牛油？咩事呀？
原來呢間餐廳出名嘅就係呢個牛油麻辣湯底
我哋咩都唔知就衝咗入去食⋯⋯
其實呢，我都唔係好食得辣嘅⋯⋯
但係又想試下喎，未食咗幾舊囉
點知⋯⋯
食得辣又唔怕痾嘅朋友可以去挑戰下～
下次有機會，再同你分享下奇怪火鍋:-)
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
