清水灣郊野公園燒烤記

今日一月五日同R小姐到清水灣郊野公園燒烤，基本上燒烤啲野食同炭都早一日前買定，我地約咗早上十點半在鑽石山等，主要是一起到超市買飲料，然後便到巴士總站乘91號車去了。行車時間大約四十分鐘左右，便到大坳門站落車，之後會看見往郊野公園的指示牌，沿着馬路邊行大約二十至三十分鐘便到達，當我們去到燒烤場時，已差不多爆滿了，好彩還有一個爐頭未有人用，於是立即走去覇住先，再分頭行去其他地方看看有否好位，但結果都係爆滿，唯有就在原先嗰個爐開檔吧，不過上一手玩得太差了，留下大灘垃圾响度，真係冇啲公民意識！拾好晒啲地方之後開始燒烤，首先都係同大眾一樣燒腸仔去頂下肚先啦，之後燒啲丸類，跟住就燒扒同鷄翼，以兩個人的食量我地都算食得多野了，全部食物都食晒，跟住坐吓休息吓，然後就拾好晒野便去行吓公園，見到山丘上有好多人放風箏，而且又剛好日落，令到整個風景畫面十分優美，不得不影番幾張相片，玩到太陽已落山了，我地都要走人了，行番回頭路出去大馬路等91號巴士出番市區了。