日文班3年班完成!

之前都有講過小齊上日文三年班觀課o既情況 (見前文)
寫文呢刻小齊已經完成左第三年o既課程,
放緊暑假, 等待下星期開始有6堂summer courses
之後9月會升日文四年班啦!






由於小齊已經o係度上左好幾年,
課堂模式, 同學們佢都已經好熟咖啦



今年係 5個女仔 (好似o係度學日文都係女仔比較多!)



每年學期完結都會派返一本紀錄冊, 有好多相, 同埋小朋友做o既手工勞作









今年因為大個左(識寫啦!!) 仲多多樣o野,
就係故事書。
 每個小朋友會用幾堂時間自己構思, 寫, 同畫...
即係創作一個(五頁)故事



小齊個故事係講同朋友去玩






小齊o既朋友都o係故事之中

 
我發現佢真係好鍾意同朋友出街, 有次佢話發左個好夢
我問佢係關於咩? 佢話係發夢"同XX, YY 去街玩好開心"







去邊最開心? 睇MICKEY MOUSE喎, 大家見唔見佢畫o既米奇?

























我知呢內容係佢自己諗, 畫都係,
但文法有比老師執過,
今年感覺寫多左好多, 佢有時都會o係屋企練下字
呢個就係我返左工時佢抄返本故事書內容落佢自己d 筆記簿,
因為我放工會問佢"今日做左d咩呀?"
如果佢話一味睇電視驚我會話佢,
所以呢排佢有時會畫下畫同寫下o野~
試過寫信比我o添~
咁我對佢睇咁多電視就隻眼開隻眼閉啦!



日文班3年已經完成, 第4年會係一個過渡期,
因為9月開始要返小學啦, 有d 擔心小齊o係小學繁忙o既時間表下無精神上日文班!
但我又唔想佢斷左學習, 日文班佢返得幾開心! 無壓力又學到o野,
講o既口音仲幾純正, 真係覺得呢個班幾好!
呢度都有d小朋友係小學生都keep 住上, 似乎都ok,
不過間間小學要求唔同, 我唔知小齊果間有幾多功課?
o黎緊會觀察下佢可唔可以handle到?!













============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================