終於成功潮聖喇 ! @ 中村藤吉

         

30/06 其實佢由 05/2015 落戶 TheOne 時已經好想去潮聖 ,

雖然我不是抹茶控但都好想去潮聖一下  ( 因為佢杯芭菲好吸引 )

可惜一聽到要勁排隊就立即打晒退堂鼓 ,

而且當時他們好似晚上八時就會停止營業 ,

所以實在無機會去潮聖 ;

直至他們現在再搬了新店先咁嘗試下去潮聖

可惜第一次潮聖失敗 >.<

當晚咁啱同朋友在美麗華食晚餐 ,

所以諗住順道可以去潮聖一下 ,

怎料先是找錯了地方最終差不多九點鐘才找得到 ,

但原來他們九點鐘就已經是 last order  ( 有點掃興 >.< )

入唔到去唯有臨走時在門口拍下照啦 ! T-T

---------------------------------------------------------------------------

09/07 當晚約了朋友睇九點半 ,

原本諗住先食晚飯然後再到這裡吃雪糕的 ,

但朋友話睇到有麵類食品就不如就順便吃埋晚餐 ,

其實我驚朋友會覺得單調所以先無建議在這裡晚餐 ,

既然朋友都 ok 那就沒問題了 ;

約好了朋友七點鐘食晚飯所以諗住六半點左右先去等位 ,

去到排隊時聽到前前後後的人對話才知道自己排緊 walk-in ,

原來他們分了兩類等位方法一類是攞籌等位 ,

而第二類就是好似我咁排 walk-in 客 ,

咁當然是優先處了攞籌等位的客人  ( 當天一共派了 415 個籌 )

朋友知我想試所以都沒有立即叫走人 ,

只是叫我設定等候的時間咁我就話等到八點啦 !

幸好在等位期間已經有人自動流失 ,

所以好好彩在限時的最後一刻終於有位喇 ! Yeah ! ^^

" 抹茶烏冬 (熱) - 單品 "

由於太夜所以全部定食 , 蕨餅同啫喱都沒有了 ,

咁唯有單點啦 !

我同朋友都要了抹茶烏冬驟眼看仲以為是抹茶麵 ,

因為它實在太幼身所以我哋都有啲由豫 ^^

雖然是好簡單的烏冬但都好煙韌同滑口 " 好吃 "

下次再來一定要試下抹茶蕎麥麵

" 丸十芭菲 (焙茶) "

食完正餐當然到甜品時間啦 !

我試了最想吃的 " 丸十芭菲 (焙茶) "

可惜有少少失望因為味道偏淡唔多覺焙茶的味道 ,

整杯芭菲最好吃就是煙煙韌韌的丸子

" 京之精選 "

朋友試了這個精選反而有驚喜 ,

他們的抹茶雪糕是我暫時在香港吃過最好吃的 ,

抺茶味重過奶味如果是抹茶控的你就別要錯過了 ,

另外我亦有試食抹茶味同焙茶味的戚風蛋糕 ,

當日的焙茶蛋糕就比抹茶蛋較為鬆軟但一樣咁美味

門口位置都擺放了一些茶品如果有興趣都可買來一試

臨走前都要影一影門口先因為覺得佢擺得幾靚 ^^

温馨提示 : 商店設有茶介收費每位 $10.00