升小禮物

經歷了一年o既升小奮戰,
可幸小齊都算幾合作,
我應承左佢會送樣o野比佢做升小學禮物,
不過最好唔好又買玩具啦






書包, 文具果d不嬲都係入我數咖啦, 唔算係禮物
最後搵左一樣我同佢都鍾意又覺得實用o既o野 -- 手錶
小齊 K3 學校都教左睇鐘, 咁而家買錶比佢都算係學以致用。
本來佢想話要八達通錶, 但睇左款我又覺得好似唔多好
唔多實淨咁
最近行街又睇下有冇其他款...
卒之呢日就落手買左隻 BABY -G 比佢 (咁我都覺得幾靚又見有折)
我都算重手啦 (我自己中學先有一隻), 我話要用幾年咖啦, 期間唔會買新錶要佢好好珍惜
小齊好開心!
冇揀到鐘面款, 揀左呢款跳字款 (仲好, 平D~)
而且呢款個錶面算細, 小齊都戴到





由戴上果刻佢差唔多每10秒就會望下!! XD XD



每2分鐘報一次時



我覺得都有D正面作用就係佢時間觀念好左
有時我同佢講"趕時間", "快D", 佢唔多SO我
而家就好啦, "我地要o係 9:10之前出門口!"
咁佢就會自己睇錶, 多左概念, 比較能配合到我要求, 哈哈~



呢份禮物小齊好滿意, 即刻講比公公婆婆聽,
第2日公公話佢一日報左30次時左右! haha

變得好有時間觀念呢! 好事!



是日靚衫: Gucci Kids, Simonetta, Zara Kids

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================